Video
Read full review
2019-09-20
654 views
自從機場搬遷後，九龍城已不復昔日光彩，但食肆依然屹立不倒，當然有其道理，以前係附近上班，放工時往往約同事係富豪酒店的酒吧飲返杯，摸下酒杯底，吹吹水，但算起來，都有好幾年沒到訪過了。早前，富豪酒店內的富豪坊經重新打造後，裝置了魚缸，提供新鮮海鮮，並由行政總廚高賜文師傅主理，推出一連串新菜色。廣東陳皮老薑焗膏蟹薑蔥焗蟹本身已經好惹味，今次選用泰國蟹，非常大隻及肉厚，當中更加入陳皮，更多添一份香氣，真係食到連手指都有味。雞油花雕蛋白蒸紅蟹又係一道令人吃過不停的菜色，鮮甜既花蟹汁滲入蟹白，加上芳香馥郁的花彫及雞油，實在是難以抗拒。砂鍋油鹽焗奄仔蟹（$188/隻）絕對係邪惡到一個點，奄仔蟹係時令海鮮，蟹膏澎湃，入口甘香，用薑蔥蒜等香料去焗，仲要熱辣辣上檯，更加無得輸。芝士焗釀蟹蓋（$108/隻）真材實料，每口都是蟹肉絲，洋蔥絲煮得夠稔，甜味都跑出來，而芝士帶來的濃香，令口感豐腴。避風塘炒肉蟹千變萬化既煮法，令簡單一道食材變得不平凡，由香港人獨創的避風塘炒蟹，陣陣辛辣香氣，叫人邊食邊冒汗，真係好過癮，尤其是香辣炸蒜，用來撈白粥十分滋味。京城乾燒大虎蝦（$138/隻）每道菜都是蟹未免單調，轉轉口味，
自從機場搬遷後，九龍城已不復昔日光彩，但食肆依然屹立不倒，當然有其道理，以前係附近上班，放工時往往約同事係富豪酒店的酒吧飲返杯，摸下酒杯底，吹吹水，但算起來，都有好幾年沒到訪過了。
早前，富豪酒店內的富豪坊經重新打造後，裝置了魚缸，提供新鮮海鮮，並由行政總廚高賜文師傅主理，推出一連串新菜色。
廣東陳皮老薑焗膏蟹
薑蔥焗蟹本身已經好惹味，今次選用泰國蟹，非常大隻及肉厚，當中更加入陳皮，更多添一份香氣，真係食到連手指都有味。
雞油花雕蛋白蒸紅蟹
又係一道令人吃過不停的菜色，鮮甜既花蟹汁滲入蟹白，加上芳香馥郁的花彫及雞油，實在是難以抗拒。
砂鍋油鹽焗奄仔蟹（$188/隻）
絕對係邪惡到一個點，奄仔蟹係時令海鮮，蟹膏澎湃，入口甘香，用薑蔥蒜等香料去焗，仲要熱辣辣上檯，更加無得輸。
芝士焗釀蟹蓋（$108/隻）
真材實料，每口都是蟹肉絲，洋蔥絲煮得夠稔，甜味都跑出來，而芝士帶來的濃香，令口感豐腴。
避風塘炒肉蟹
千變萬化既煮法，令簡單一道食材變得不平凡，由香港人獨創的避風塘炒蟹，陣陣辛辣香氣，叫人邊食邊冒汗，真係好過癮，尤其是香辣炸蒜，用來撈白粥十分滋味。
京城乾燒大虎蝦（$138/隻）
每道菜都是蟹未免單調，轉轉口味，選用越南虎蝦來炮製京城乾燒大虎蝦，中間位預先褪殼，而且從背位開，一來可以挑走腸臟，二來更加入味，蝦肉爽彈，濃濃的味道，都滲入蝦肉當中，正。
阿拉斯加長腳蟹
原隻碩大的阿拉斯加長腳蟹，半小時前仍在「張牙舞爪」，半小時後已經乖乖瞓係碟上面，供大家享用。
蟹身及蟹爪是傳統的清蒸，吃到蟹肉的鮮甜。
蟹蓋裡面的蟹膏，加入蟹汁、蛋白、雞油及花雕一齊蒸，芳香馥郁，質地滑溜，而又口感豐腴，正。
蒜香牛油膏蟹煮蘿蔔糕（$428）
又係勁邪惡菜色，蘿蔔糕沾滿了蟹膏跟牛油，好香口，蘸點辣椒醬就更惹味，不過都幾頂胃。
格蘭香焗鱈魚球（$288）
食得蟹太多又係時候轉下食魚，鱈魚球肉質細嫩，魚味濃，焗得香口但又不覺得油膩。
砂鍋西施杞子烏雞滋補炒飯（$168）
原煲上熱辣辣，揭蓋前，先係煲邊澆上花雕酒，令飯粒帶酒香，飯煲邊位飯粒帶少許焦香，烏雞滋補而且肉質嫩滑，整鍋飯好香口，飯粒又不會過濕，的確是個一流的單尾。
Post
