一樂燒鵝

Open Now

Now Closed

泥得中環做嘢多咗，當然要做下功課，睇下邊到有啲乜好嘢食。呢間非常出名嘅米芝蓮燒味鋪，經過得多喇，但就從來未食過，所以今日就的起個心去試試！中午時份，其實都幾爆滿，一兩個人會相對易啲搵位置坐。所謂「一樂燒鵝」當然要試燒鵝啦，不過今日見口乾，所以唔食飯就叫咗碗「叉燒燒鵝瀨粉」。等左陣，碗瀨粉好快就到。叉燒切得幾厚，夾少少肥，係我最愛食嘅半肥瘦叉燒；至於招牌燒鵝，真係無介紹錯，十分出色！皮脆得泥啲肉又夠香。叉燒夾埋燒鵝嘅肉汁，個湯底混合哂佢地嘅精華帶少少蔥香，所以配起瀨粉食時相當入味，開胃！呢到份量個人認為唔算多，所以稍為胃食啲嘅朋友可以叫多個菜，就應該夠哂飽喇。過一日，其後都試咗叉燒油雞瀨粉，但都不及燒鵝咁野味，「叉燒燒鵝瀨」值得一試啊！