Video
Read full review
2017-05-11
212 views
今日公司lunch meeting，由於我負責present，所以緊張到冇乜胃口，只係咬左件三文治。晏晝又忙到飲水都冇時間。O完T差不多8點就決定同戰友出旺角食放題，補償吓我個可憐嘅胃。Blue Monday嘅八點半都人頭湧湧，等左廿分鐘終於有位，即刻神速落order。刺身 - 都算大件同埋幾厚。鮑片刺身 - 好鮮甜，咬落仲出水，質素不錯。【必食推介】馬刀貝刺身 - 其貌不揚，但原來鮮甜之餘仲要係超級爽，食到「嗦嗦」聲，以為食緊黃芽白咁爽。黑松露壽司 - 放題有黑松露壽司食係比較少見。黑松露唔多但咁先唔會遮到壽司嘅鮮味。特別推介黑松露甜蝦壽司 - 爽甜嘅蝦配黑松露味道幾特別。火山溫泉蛋 - 滑溜溜嘅溫泉蛋配上濃濃嘅日本甜醬油，味道同口感都幾match。岩鹽燒牛舌 - 牛舌幾有咬口，燒得幾香，再鹹多少少就Perfect。香茅燒豬頸肉 – 泰國嘢都有得食～香茅味唔夠重，不過勝在夠肥美夠熱，食落有少少油脂，正。【必食推介】鹽燒活海蝦 – 一上枱就好驚喜，放題都食到咁大隻蝦~ 鹽燒燒到好惹味，最緊要係夠熱。Encore咗幾次。【必食推介】海老天婦羅 – 出晒煙嗰隻熱，蝦比較細條，不過唔怕，任食
Blue Monday嘅八點半都人頭湧湧，等左廿分鐘終於有位，即刻神速落order。
刺身 - 都算大件同埋幾厚。
19 views
0 likes
0 comments
三文魚刺身
8 views
0 likes
0 comments
鮑片刺身 - 好鮮甜，咬落仲出水，質素不錯。
鮑片刺身
8 views
0 likes
0 comments
【必食推介】馬刀貝刺身 - 其貌不揚，但原來鮮甜之餘仲要係超級爽，食到「嗦嗦」聲，以為食緊黃芽白咁爽。
馬刀貝刺身
33 views
0 likes
0 comments
黑松露壽司 - 放題有黑松露壽司食係比較少見。黑松露唔多但咁先唔會遮到壽司嘅鮮味。特別推介黑松露甜蝦壽司 - 爽甜嘅蝦配黑松露味道幾特別。
黑松露壽司
12 views
0 likes
0 comments
火山溫泉蛋 - 滑溜溜嘅溫泉蛋配上濃濃嘅日本甜醬油，味道同口感都幾match。
火山溫泉蛋
15 views
0 likes
0 comments
岩鹽燒牛舌 - 牛舌幾有咬口，燒得幾香，再鹹多少少就Perfect。
岩鹽燒牛舌
15 views
0 likes
0 comments
香茅燒豬頸肉 – 泰國嘢都有得食～香茅味唔夠重，不過勝在夠肥美夠熱，食落有少少油脂，正。
香茅燒豬頸肉
19 views
0 likes
0 comments
【必食推介】鹽燒活海蝦 – 一上枱就好驚喜，放題都食到咁大隻蝦~ 鹽燒燒到好惹味，最緊要係夠熱。Encore咗幾次。
鹽燒活海蝦
13 views
0 likes
0 comments
【必食推介】海老天婦羅 – 出晒煙嗰隻熱，蝦比較細條，不過唔怕，任食架嘛，叫多幾轉囉~ (Sorry太心急食唔記得影相)
和風芥未醬炒安格斯牛柳粒 – 老實講食唔出芥末醬味，不過牛肉粒就夠肥美，咬落夠腍又有啲牛油~
和風芥未醬炒安格斯牛柳粒
9 views
0 likes
0 comments
【必食推介】和風芝士焗廣島蠔 – 用錫紙兜上夠衞生 (因為有啲餐廳會用reuse嘅蠔殼，其實好難清洗容易藏污納垢)。芝士焗出嚟好香濃，蠔唔大唔細，不過又係嗰句 - 「任食架嘛」。芝士入面有沙律醬，酸酸地好開胃，記得盡量沾啲芝士食，唔好浪費~
和風芝士焗廣島蠔
10 views
0 likes
0 comments
和風芝士焗廣島蠔
14 views
0 likes
0 comments
清酒煮蜆 – 蜆肉新鮮，碗細細但其實裝滿晒蜆。熱辣辣，食完啲蜆個湯仲出緊煙，可以飲埋鮮甜嘅蜆湯。
清酒煮蜆
17 views
0 likes
0 comments
香蒜煙肉焗北海道帆立貝 – 鐘意食蒜蓉就啱晒，蒜蓉特多，我就清淡啲只食少少蒜蓉已經足味。帆立貝新鮮乾凈冇沙。
香蒜煙肉焗北海道帆立貝
21 views
0 likes
0 comments
【必食推介】美式特濃芝士茄醬烤雞球 – 意想不到的好味道，原本我怕蕃茄醬會酸，但原來係似蕃茄忌廉湯嗰種creamy又甜甜地嘅蕃茄味，底下仲有濃滑芝士，雞球嫩滑又大件。已經係食到尾聲飽晒都忍唔住食左兩粒。驚喜之作。
美式特濃芝士茄醬烤雞球
19 views
0 likes
0 comments
呢度食物種類都幾多，仲有好多嘢想試，不過我哋得兩個人食力有限只能望門輕嘆。雖然係日式放題為主，但估唔到熱食都咁有水準，而且最重要係食物夠熱就更加好味。下次要班齊人馬再大刷一餐~
Post
