賓墟冰室

Open Now

Now Closed

做咗一排青衣人，喺呢個風雨飄摇的時候，多咗喺本區搵食，費事喺出邊吃遲咗唔知搭咩車返屋企，好慘，近排好多朋友仔都試過冇車返屋企吖，少咗約朋友吃飯，飲嘢……亦因此，認識咗呢間餐廳多咗，第一日吃完，見仲有好多小菜想吃，第二日再來過。水煮魚，魚肉够嫩够滑，當然都好新鮮喇，同大餐廳比都有得揮吖。香芋鴨煲，芋頭够冧，鴨塊够入味，仲有香濃椰汁味，好味好味。牛仔骨炆茄子，如果茄子再冧D，賣相再好D就更加好。蝦仁炒蛋本來好味嘅，亦有成9隻蝦仁咁多，不過好似落多咗少少鹽，可能一時錯手落多咗。以上是連續2晚2個人的晚餐，都算好满意啦，又唔貴又好吃。