象泰宴

Open Now

Now Closed

我一直都係象泰宴嘅忠實顧客、基本上每個星期都會係D字頭平台叫外賣。呢大半年食物質素每況愈下、但係我哋都會堅持繼續呢間餐廳叫外賣！但係九月，我叫左二人套餐、食完後、我同家人即晚腸胃炎、發燒、嘔、我哋兩個人兩次醫生、腸胃炎足足半個月，先好返。事隔兩個月、琴晚11月8日，我諗住上次可能甘岩啲野唔乾淨、所以決定俾多次機會、再叫多次象泰宴外賣、今次只有我一個人食、食物質素繼續差、食完即晚發燒、全身啲肉痛、3個鐘已經痾左5次、今日如是又返唔到工、又痾到損曬、醫生話係腸胃炎。真係對你哋好失望、食物質素難食都算、一而再食到腸胃炎、係連續2次。我希望你哋唔好再害人、攞返啲良心出黎、處理好你哋嘅衛生情況、正視問題！我唔會再光顧象泰宴、你哋嘅食物真係好毒、兩次都害到我哋病得勁嚴重！真係唔好再害人！