金記冰室 (黃大仙中心南館) (Closed)

通常連鎖茶餐廳水準都麻麻，但呢間我覺得算唔錯（雖然我唔知邊間係總店）～ 乾炒牛河有鑊氣但冇燶，唔太油膩，亦唔鹹。份量方面，大約係傳統茶記嘅九成，但我平日喺茶記要扣底嘅，所以啱啱好。蛋白杏仁茶係足料嘅，口感好滑，夠熱。我個人就不太熱愛呢味野，只係因為乾炒牛河冇飲品送，咁反正都係加錢，索性就叫杯潤啲，企圖抵消返個熱氣牛河⋯⋯。如本身喜歡杏仁茶，不妨一試（不過就冇餐飲喇）。值得一提嘅係牆上有USB差電口（目測係部分卡位先有）。