翠華餐廳 (Closed)

行行下，肚餓唔知食咩好，見到翠華，好似好耐冇食，所以諗住試下，反正連鎖得都唔會差好遠掛我心諗。入到去，望住個餐牌，都唔知食咩好，見到推介既鹿兒島豬軟骨米線，就試下算。鹿兒島豬軟骨米線，望到相既朋友都應該見到，啲油多到呢...厚到呢...唉。但係鹿兒島豬軟骨我覺得幾得意，唔知係小弟唔識野定係點，佢既軟骨位係有點似好軟好淋既牛根咁，冇左軟骨位既小小爽口感，相對地肉位有點ＵＮ的感覺，米線幾好食，軟熟好滑。唔怕油既朋友，湯都幾好飲既.....紫菜墨魚丸米線，墨魚丸細細粒，又墨魚魚味，魚片爽口，唔可以話好好食，但係正正常常。有時候我真係會自我反省下，係唔係因為自己冇美色的關係定我自己態度有問題？有時遇到既服務員真係態度好差，餐牌上明明寫住「紫菜墨魚丸米線」，個服務員死都話冇紫菜，我問左佢三次，都話Ｅ個係唔跟紫菜，我就唔明，唔跟又打紫菜出黎？冇左又貼張野上去？仲要好不滿咁既樣望住我地。算，紫菜豪比你，之後過左一陣，佢走過黎：原來有紫菜，加番比你。　之後走左.....有必要這樣嗎?