Simplylife Bakery Cafe

Open Now

Now Closed

連續兩日都食Simplylife不過今日唔同嘅係，尋日係食下午茶，今日係食午餐。星期日嘅下午。等位嘅人唔算10分多。我哋一行三人。拎咗飛之後大約等咗5分鐘就有得入去坐低。用餐時間只有1小時。略嫌少咗啲。午餐嘅選擇比下午茶多。當然同樣地價錢亦都貴好多。今日叫咗雞肉漢堡。前菜有得選擇南瓜湯，或者沙律。我自己選擇咗後者。沙律份量啱啱好。而且落咗醋，可以開一開胃。到正盤漢堡，漢堡份量比我想像中大，而且雞肉上面鋪滿一層芝士，10分邪惡。不過略嫌鹹咗少少。薯條都炸得比較燶。食完之後，可能因為太多味精嘅關係。我非常頸渴。飲咗勁多水。如果調味料下次可以冇咁重手嘅話。我相信會更加好。