慢煮工業 (Closed)

捱了整個星期，終於放假啦。放假睡到自然醒是常識吧。起身都十一點多，外面又曬又熱，連出街的意慾都沒有，最後約左屋企人去食個all day breakfast，慢慢歎慢慢坐，享受一天的假期。最後選擇了近屋企的慢煮工業，下午一點多，差不多大半場坐滿人。完全唔使諗，一人一個all day breakfast另加一個炸芝士條。炸芝士條炸得較膿，外面香脆，但裏面不是每條都有芝士，有些爆了出來，做得不好。all day breakfast很大份，有炒蛋，炸魷魚圈，炸薯餅，牛扒及炸蝦，本來是大啡菇的，但無貨，變左炸蝦，這餐好熱氣。炒蛋炒得很滑，蛋味香，很有滑蛋的效果。炸蝦炸得香脆，蝦肉不大隻，但幾好食。炸魷魚圈，外脆內煙韌，幾有咬口。主角牛扒有牛肉味但不夠濃郁，牛扒外面煎得香口，肉汁豐富，內纖維多，不算鞋，用黑椒香草調味，味道不錯。飲品要了芒果茶及薑味汽水，兩者都要加$18，芒果茶味道不錯，有芒果味重，不會太甜；薑味汽水有很香的薑味，比較甜，兩者相比，芒果茶較好飲。總括而言，食物質素不錯，價錢中上，但環境一般，我們坐近廚房，比較大煙，抽風不佳，冷氣不夠凍，越坐越熱。