Y Show Tasty (Closed)

遲來的生日飯，1月時疫症太嚴重冇出去食，估唔到3月食返，thank Yan>3<!今次揀了yellopenrice 介紹過的Y Show Tasty， 主打歐陸菜式，見烤乳豬好吸引，必食！受歡迎店子之一，當然book位先。位於H8食肆林立之地，位置方便易搵。7:00去到，量體溫再填資料，餐廳面積唔算好大，裝潢型格，椅下有個膠籃可以放袋，都幾窩心。餐牌，已有心水選擇。帶子蟹肉濃湯，$78。濃湯口感稠身，味道似濃龍蝦湯，同時又有少少蟹鮮味，濃郁有層次，不俗，有兩粒帶子，仲要係大大粒，好滿足呢。麵包伴個湯食更美味。招牌香烤乳豬，$268。必食之選，大大件烤乳豬，切開更加吸引，肉質鮮嫰，入口富油香，幾好味，但個皮有點硬唔夠脆，有兩個醬伴食，配上芥末籽加麥牙糖及醋汁食味道更有風味。龍蝦蝦肉長通粉，$188，龍蝦大小適中，味道正常，每啖長通粉都有濃郁的龍蝦湯味。火焰雪山，$78。點火後賣相是王道，雪山入口即溶，甜甜地有少少酒香，內裡是雪糕及蛋糕，味道幾好。食物味道不俗，氣氛幾好，中位價格，果然冇介紹錯，支持小店。