一風堂 (朗豪坊) (Closed)

放半日閒日去朗豪坊買嘢，行到約2點，去Food court果層揾食，見到茶木排隊，唔係我style，我一個人，分分鍾排半粒鍾食廿分鐘，NO WAY!見到我從未食過的一風堂原來開了在此(因以往要排)，又不用等位，六成滿，即入!第一次來花多眼亂，選多D料果款啦!睇圖是有豚肉，有叉燒，但文字內容就沒有說有叉燒，問落單職員究竟有冇，她不太肯定話睇圖啦!7/10~拉麵是好幼的，似蝦子麵的幼度，好在我要硬D，否則好快淋，湯底只是一般，冇特別。最讚是隻蛋，糖心，好鮮甜的蛋味，兩片叉燒也不錯，不太軟亦不太實，豚肉一般，兩片雲吞好特別，好平滑，包法似正方形斜角對摺，內放一塊1圓大小的菜肉餡，見識少的我第一次食，喜愛雲吞皮的我就OK，但要求皮薄餡多的就．．．，因皮是餡的4倍!還有放在檯上任加的"辣醃雪菜"好味(名我亂作)，可惜辣了點，記得在澳洲吃過一拉麵店吃過同樣好味的但冇咁辣，否則狂加!埋單$9X，有點貴，本人其實不太愛拉麵，很少吃，所以是很個人的感受，大家不要見笑!