Video
Read full review
2019-03-25
193 views
三日一小嘈，四日一大嘈，真係激到我噴煙！算喇算喇，入屯門同您真餐好既就算喇！秋風起剛剛時令，就食您最愛的大閘蟹吧。依舊都係我攞位先啦，人山人海實等到呆。未去過一間小南國迫到大排擋一樣，差點連摺檯都要開埋，用盡每個空間角落，條通道肥少少都過唔到，知否好危險架！係門口搵極都唔見攞籌機，亦唔見有職員接待，食客嬸嬸話接待員行開左呢。兩位唔洗等即有？真係 lucky 啊。心諗，唔會比摺檯我麻？居然係摺檯，細心查看不是摺檯，那免強坐下吧。預料之中比張迷你二人檯，太多食客無選擇都要照坐。環境嘈吵，檯細細頂手頂腳，密度高無私人空間，我伸長少少手臂都夾到隔離檯碟餸咯！靜候女皇大駕光臨，慢慢研究一下菜牌。大量美食佳餚都非常吸引，奈何只得兩個胃。隨便點四個小菜已是極限，如果色香味俱全，有機會再來品嚐吧。鐵觀音，淡茂茂無茶味，不清爽不甘香，因為太少茶葉？餐前小食，涼拌雲耳青瓜豆腐毛豆花生，分開食好寡麻麻地，幾樣食材一齊食比較有趣，諗起 ET 鹽水雞撈撈。鮮肉小籠包，尚算熱熱的不燙嘴，沾上浙醋整粒直接掉落口。包皮嚥韌有彈性，一咬爆開，豬肉硬實似肉丸，獅子頭咩。雖有大量湯汁但醃味偏重，鮮味強差人意，中規中矩唔難食
係門口搵極都唔見攞籌機，亦唔見有職員接待，食客嬸嬸話接待員行開左呢。兩位唔洗等即有？真係 lucky 啊。心諗，唔會比摺檯我麻？居然係摺檯，細心查看不是摺檯，那免強坐下吧。預料之中比張迷你二人檯，太多食客無選擇都要照坐。
環境嘈吵，檯細細頂手頂腳，密度高無私人空間，我伸長少少手臂都夾到隔離檯碟餸咯！靜候女皇大駕光臨，慢慢研究一下菜牌。大量美食佳餚都非常吸引，奈何只得兩個胃。隨便點四個小菜已是極限，如果色香味俱全，有機會再來品嚐吧。
鐵觀音，淡茂茂無茶味，不清爽不甘香，因為太少茶葉？餐前小食，涼拌雲耳青瓜豆腐毛豆花生，分開食好寡麻麻地，幾樣食材一齊食比較有趣，諗起 ET 鹽水雞撈撈。
鮮肉小籠包，尚算熱熱的不燙嘴，沾上浙醋整粒直接掉落口。包皮嚥韌有彈性，一咬爆開，豬肉硬實似肉丸，獅子頭咩。雖有大量湯汁但醃味偏重，鮮味強差人意，中規中矩唔難食，水平以下。
生炒蟹粉配薄餅，非常細心地每塊薄餅之間隔張油紙，唔洗黐埋一齊夠方便，狠狠的貪心地捲住大量蟹粉沾點醋同吃，微暖多汁好幸福！蟹粉有肉有糕甘香味濃，蟹油豐富潤澤味蕾，停不了起將蟹粉卷塞得嘴仔脹卜卜。必須快快趁熱食，否則放涼腥味飈升。
樟茶鴨，其中一道我最喜歡的美饌。近尾部有點羶味，鴨下髀都有少少喎。醃味稍濃偏濁欠清爽欠肉甜，沒有茶燻芳香氣味。鴨皮炸過有心思，皮脆肉嫩只不過有點膩。如果像王加沙一樣跟 OK 醬及蝴蝶包就更開心咯。乾煽四季豆，大路平平無驚喜，豆脆惹味，略咸欠鑊氣。
螞蟻上樹，沒點粥粉麵飯來個粉絲填填肚。差到無朋友，雖炒得乾身彈牙完整長啜長有，不幸味道極為單調，胡椒味濃烈，欠醇美肉甜，硬食兩啖放棄。整頓飯 $1000，以此價位以此質量，我有更好的選擇。
鐵觀音
45 views
0 likes
0 comments
餐前小食
40 views
0 likes
0 comments
鮮肉小籠包
26 views
0 likes
0 comments
鮮肉小籠包
31 views
0 likes
0 comments
生炒蟹粉配薄餅
31 views
0 likes
0 comments
生炒蟹粉配薄餅
24 views
0 likes
0 comments
樟茶鴨
24 views
0 likes
0 comments
乾煽四季豆
19 views
0 likes
0 comments
螞蟻上樹
21 views
0 likes
0 comments
Post
