Video
Read full review
2017-05-11
637 views
將軍澳區放題得幾間，漁之部屋已經佔咗兩間，而呢間係較近期開嘅，見食評唔錯，即該訂枱即晚試食。餐廳舖仔細細真係好迷你，早段客人比較少，座位亦算舒適，不過枱同枱之間好窄，部份座位會打開比客人知道下面可以擺放手袋，而且入座職員會比消毒洗手液比客人清潔雙手，夠細心。食物方面味道中規中矩，賣相夠精緻，服務亦唔錯。入座每人一杯Welcome drink，一隻鮑魚，上面有少少黑松露，有咬口又唔會太淋，味道唔錯。我哋點咗小小前菜開胃，細細碟兩個人啱啱好。刺身比較耐先嚟，款式夠多而且新鮮，連吞拿魚同阿根廷牡丹蝦都有，下面兩片三文魚腩係送嘅。壽司種類多，賣相唔錯，但味道一般，海膽三文魚籽較出色。清酒煮蜆夠大隻，可惜清酒味唔夠。鹽燒三文魚頭，魚骹，骨腩，魚鰭係限量供應，味道唔錯，唔會太鹹。外脆內滑一口炸豆腐，仲有糖心溫泉蛋。網燒羊架唔會韌，稍久羊味，芝士焗蠔芝士味唔夠。炸物同天婦蘿用炸籃上幾特別，炸榴槤會切開避免客人食嗰陣過熱辣嚫，雞翼外脆，裏面唔會乾，而芝士年糕有淋少少汁喺上面，炸餃子出奇地好味，天婦羅嘅漿亦唔厚，整體唔錯。甜品選擇多，水信玄餅同馬卡龍亦比較少有，焦糖燉蛋好味，令外Haage-Das雪糕，
入座每人一杯Welcome drink，一隻鮑魚，上面有少少黑松露，有咬口又唔會太淋，味道唔錯。
我哋點咗小小前菜開胃，細細碟兩個人啱啱好。
刺身比較耐先嚟，款式夠多而且新鮮，連吞拿魚同阿根廷牡丹蝦都有，下面兩片三文魚腩係送嘅。
壽司種類多，賣相唔錯，但味道一般，海膽三文魚籽較出色。
清酒煮蜆夠大隻，可惜清酒味唔夠。
鹽燒三文魚頭，魚骹，骨腩，魚鰭係限量供應，味道唔錯，唔會太鹹。
外脆內滑一口炸豆腐，仲有糖心溫泉蛋。
網燒羊架唔會韌，稍久羊味，芝士焗蠔芝士味唔夠。
炸物同天婦蘿用炸籃上幾特別，炸榴槤會切開避免客人食嗰陣過熱辣嚫，雞翼外脆，裏面唔會乾，而芝士年糕有淋少少汁喺上面，炸餃子出奇地好味，天婦羅嘅漿亦唔厚，整體唔錯。
甜品選擇多，水信玄餅同馬卡龍亦比較少有，焦糖燉蛋好味，令外Haage-Das雪糕，Movepick可任選一款。
Post
