Video
Read full review
2022-03-17
322 views
佢哋嘅曲奇每日新鮮製造，塊塊都勁重手！口味相當獨特，有葡撻、越南咖啡等等~ 佢地仲有多款冬甩，前幾日仲推岀左weekend限定嘅開心果口味大家記住 睇定當日有乜口味！早啲去買！之前weekend四五點去到已經冇乜款揀依家matcha mochi brioche同pistachio donut更接受same day IN STORE pre-orders(starting at 12:30)𝔻𝕠𝕟𝕦𝕥𝕤 ▪️Matcha Mochi Brioche $50終於食到抹茶麻糬brioche！一抆開 抹茶醬超澎湃！仲有拉絲麻糬！綠色嘅Brioche入口帶淡淡嘅抹茶香，但就無想像中咁鬆軟濕潤咁重牛油味。入面嘅抹茶醬稠滑無粉感 屬大眾濃度，無曲奇嘅抹茶流心咁回甘。麻糬夠晒軟Q 唔會過腍過乾硬。面頭嘅抹茶皮都幾脆，整個甜度恰到好處，可以話係層次豐富、好食嘅抹茶墨西哥包，不過味道就無想像中咁驚艷，未必會回購呢款~▪️Tiramisu Bombolone $45Tiramisu比matcha brioche細粒少少~ 買完即刻食 啲餡仲係凍嘅！Donut面頭有一層輕盈幼滑嘅mascarpone cheese
大家記住 睇定當日有乜口味！早啲去買！之前weekend四五點去到已經冇乜款揀
依家matcha mochi brioche同pistachio donut更接受same day IN STORE pre-orders(starting at 12:30)
𝔻𝕠𝕟𝕦𝕥𝕤
▪️Matcha Mochi Brioche $50
終於食到抹茶麻糬brioche！一抆開 抹茶醬超澎湃！仲有拉絲麻糬！綠色嘅Brioche入口帶淡淡嘅抹茶香，但就無想像中咁鬆軟濕潤咁重牛油味。入面嘅抹茶醬稠滑無粉感 屬大眾濃度，無曲奇嘅抹茶流心咁回甘。麻糬夠晒軟Q 唔會過腍過乾硬。面頭嘅抹茶皮都幾脆，整個甜度恰到好處，可以話係層次豐富、好食嘅抹茶墨西哥包，不過味道就無想像中咁驚艷，未必會回購呢款~
▪️Tiramisu Bombolone $45
Tiramisu比matcha brioche細粒少少~ 買完即刻食 啲餡仲係凍嘅！Donut面頭有一層輕盈幼滑嘅mascarpone cheese?!，中間就有濕潤、入口即化嘅手指餅同埋咖啡cream，最底就係fluffy嘅donut。單食餡料，咖啡味都幾突岀 更帶微微嘅酒香。不過成個咬嘅時候，就會比甜度較高又厚身嘅donut搶左focus，變相食落唔係好夠濃，同埋硬係覺得donut有陣油溢味。但勝在唔會好甜，味道都幾balanced。
▪️Hazelnut Mille feuille $50
估唔到呢個 加左千層酥皮嘅donut 比matcha brochie更有驚喜！一切開就會見到酥皮嘅層次，咬落超酥脆呀！入口帶焦香，不過牛油香就唔算好重。酥皮跟濃稠嘅榛果醬同濕潤柔軟嘅donut 意外地夾，個人幾鍾意呢個口感！中間仲有啲朱古力脆脆添！donut同樣有少少油溢味，不過上面嘅餡夠濃夠多，成個食就唔係好覺。
𝕔𝕠𝕠𝕜𝕚𝕖𝕤
曲奇超大塊超厚身！外層脆身，內裡濕潤帶些微煙韌嘅口感。甜度都比較高，建議兩三個人share一塊，如果唔係都幾膩下。
▪️Matcha macadamia $50▫️Hojicha $50
唔洗翻熱 都有流心效果！基本上唔洗咬到中間嘅抹茶焙茶醬，都會食到陣茶香。兩款醬都幼滑無粉感，屬大眾濃度，抺茶流心更帶回甘，不過甜度偏高。果仁粒令口感更為豐富。但抹茶香氣硬係有啲唔啱心水。
▪️Epic chocolate $50
身為抹茶控 x 朱古力控嘅我 就比較鍾意佢地嘅朱古力曲奇啦~ 中間嘅朱古力醬好杰 帶微微微苦，朱古力味濃郁！感覺上無抹茶曲奇咁甜。
雖然四五十蚊一塊真係有啲貴，但係曲奇冬甩真心足料超飽肚！偶爾食一次慰勞吓自己都唔錯
Post
