北方餃子源 (皇后大道東)

Open Now

Now Closed

週五收工約咗契妹同蕃薯uncle於灣仔享用歡樂時光，飲到咁上吓就喺附近間「餃子源」買外賣醫肚。雖然手持外賣紙，但以OpenRice手機程式落單，除咗餐飲款式及價格一目了然，食物準備好有訊息通知之外，仲可以兌換埋儲下嘅Rice$，簡易快捷得很！香煎素鵝（$41）：每道餸菜都有獨立膠盒包裝，衛生企理。韌皮嘅素鵝毫不酥脆，講真似係腐皮卷多過素鵝囉，不吃也吧！煎白菜豬肉餃（$36/五隻）：如相所示，餃餃其實似係炸多過煎，餃皮雖則唔油，不過就偏厚同硬，幸好白菜豬肉餡心尚算鮮嫩。煎鮮蝦韭黃豬肉餃（$40/五隻）：有對比下，賣相較豐滿嘅鮮蝦韭黃豬肉餃咬落更為爽脆甜美。加配時菜（+ $3）：另配嘅紹菜清甜多汁，加三蚊黎講份量都好足。雞絲粉皮（$45）：以麻醬調味嘅雞絲粉皮芳香爽潤。京汁蒜泥安格斯牛肉（$68）加紅油底（+ $5）：修長嘅安格斯牛肉因過熟而變得老嚡同乾，不過好在切得夠薄所以完全唔覺得韌，捲入惹味嘅蒜泥及黏上香辣嘅紅油即成功為牛肉添上濕潤與爽嫩。香炸豬扒（$46）：可能豬扒夠薄身，食落唔會好乾，不過皮層濕濕腍腍，平心而論，啲煎餃子比豬扒更似「香炸」囉。灣仔小店「餃子源」外賣安排妥當，電子下