PizzaExpress (香港科學園)

Open Now

Now Closed

假日去到科學園食咩好？而家依度開咗好多唔同嘅餐廳。嚟到呢度梗係食pizza 🍕，呢度餐廳好大，比起其他分店坐得闊落。我哋坐低叫咗嘢飲先，揀咗Summer cheers 系列嘅蜜桃冰茶及鹽味荔枝特飲。兩杯賣相都好靚，蜜桃冰茶配上蜜桃果蓉，層次豐富，唔會太甜。鹽味荔枝有蝶豆花茶、荔枝果蓉、梳打水等，有少少青檸汁，酸酸甜甜。而家叫兩杯特飲，仲送麵包球😗麵包球新鮮焗起軟綿綿，配牛油。如果飲水，宜家餐廳$16/位，free flow sparkling 同 still water。Pizza叫咗西西里肉腸菠菜味，Pizza新鮮焗起，餡料豐富，有好多芝士、及西西里肉腸，味道平均。呢個pizza 唔會太濃味。小食叫咗肉丸，蕃茄汁酸酸地，配肉丸食幾juicy! 另外雞翼一份有六隻，都係熱辣辣，外皮香脆，味道唔錯。