Video
Read full review
2018-08-21
79 views
今日同朋友兩個人去咗尖沙咀間樂園到食晚餐，一入到去見到呢到裝修都比較女性化，仲有好多board game可以玩，然後我地見到呢到有兩隻好可愛既貓貓，跟住就係咁幫啲貓影相😻。我地叫咗三個餸，第一個係德國腸拼盤，份量都幾多，滿足晒我呢個食肉器獸，入面有4款口味既腸，我同朋友都覺得味道唔錯，仲有用糖粉整咗隻cony公仔，影相就更加呃like，重點係個醬汁，酸酸地配埋啲腸好開胃😋，仲有個沙津加埋芝麻醬，食幾啖肉可以再食返啖沙津清吓個口，唔錯。第二個餸係燒春雞，呢個餸又係賣相好呃like ，一嚟到我同朋友就係咁影相，呢個比我想像中好食，啲雞皮好脆雞肉好嫩滑，下面仲有個架盛住啲雞油，值得一提係佢個醬汁，除左茄汁仲有隻醬，啲味辣辣地同隻雞好夾😍，隻雞點埋個醬真係好味👍🏻配菜有薯角同沙津，都係一樣好味。最後我地叫咗個甜品窩夫，係最近好hit既美少女戰士，又係好呃like既靚靚賣相👍🏻，個士多啤梨雪榚好好味，食得出唔係維記嗰啲平野，個蜂蜜醬都好好味，唔係平時啲溝淡咗既蜜糖，我同朋友都好鐘意😆，仲有嗰啲心型既糖，我地本來以為係棉花糖，但佢係口感好得意既乳酸味糖，好得意😯最後我地坐咗成三個幾鐘，玩吓boar
我地叫咗三個餸，第一個係德國腸拼盤，份量都幾多，滿足晒我呢個食肉器獸，入面有4款口味既腸，我同朋友都覺得味道唔錯，仲有用糖粉整咗隻cony公仔，影相就更加呃like，重點係個醬汁，酸酸地配埋啲腸好開胃😋，仲有個沙津加埋芝麻醬，食幾啖肉可以再食返啖沙津清吓個口，唔錯。
第二個餸係燒春雞，呢個餸又係賣相好呃like ，一嚟到我同朋友就係咁影相，呢個比我想像中好食，啲雞皮好脆雞肉好嫩滑，下面仲有個架盛住啲雞油，值得一提係佢個醬汁，除左茄汁仲有隻醬，啲味辣辣地同隻雞好夾😍，隻雞點埋個醬真係好味👍🏻配菜有薯角同沙津，都係一樣好味。
最後我地叫咗個甜品窩夫，係最近好hit既美少女戰士，又係好呃like既靚靚賣相👍🏻，個士多啤梨雪榚好好味，食得出唔係維記嗰啲平野，個蜂蜜醬都好好味，唔係平時啲溝淡咗既蜜糖，我同朋友都好鐘意😆，仲有嗰啲心型既糖，我地本來以為係棉花糖，但佢係口感好得意既乳酸味糖，好得意😯
最後我地坐咗成三個幾鐘，玩吓board game同貓貓先走，總括嚟講我最鐘意係佢地啲醬汁，同埋呢到環境幾舒服，適合同一大班朋友嚟👍🏻
Post
