Video
Read full review
2021-08-19
68 views
成日食泰國菜，但大多泰國餐廳都比較貼地，好少會同Chill扯上關係。而呢間位於銅鑼灣嘅樓上泰國餐廳就比較特別，除左可以一嘗泰國美食外，都好岩收工同朋友飲返杯，放鬆一下。黃咖喱喇沙牛腩 配薄餅 $184炸蝦混墨魚餅 $94Thaijito $88Phuket Viva $88呢度嘅咖哩好似好受歡迎，所以我同朋友嗌左份黃咖喱喇沙牛腩黎試下。原來每份咖喱都配有四小件薄餅，我地唔知頭唔知路仲額外叫多左份薄餅添🤣🤣雖然薄餅比較細份，但咖哩就比想像中大份，好似食極都仲有好多肉咁🤣🤣份咖喱辣辣地，都幾惹味，單食我就嫌佢重口味左啲，不過拎黎配薄餅就岩岩好喇*ฺ(*´◡`)加埋其他野食，呢個份量已經好夠食！佢嘅炸蝦混墨魚餅都幾好味🦑🦐，雖然呢道係好多泰國餐廳常見嘅菜式，但佢勝在上到黎影左陣相都仲keep到夠熱夠脆，再配上酸辣醬，做餐前小食就岩曬！但其實我最中意嘅都係佢嘅Cocktails🤣🤣🤣每杯嘅名都加入左啲泰國元素，例如Mojito就變左Thaijito🍹清新得黎又有啲荔枝嘅甜味ヽ(•̀ω•́ )ゝ✧對於想試下特別口味嘅人，我就好推薦Phuket Viva！佢以紅酒作base，再配以青檸同橙汁作中和，一開
黃咖喱喇沙牛腩 配薄餅 $184
炸蝦混墨魚餅 $94
Thaijito $88
Phuket Viva $88
呢度嘅咖哩好似好受歡迎，所以我同朋友嗌左份黃咖喱喇沙牛腩黎試下。原來每份咖喱都配有四小件薄餅，我地唔知頭唔知路仲額外叫多左份薄餅添🤣🤣雖然薄餅比較細份，但咖哩就比想像中大份，好似食極都仲有好多肉咁🤣🤣份咖喱辣辣地，都幾惹味，單食我就嫌佢重口味左啲，不過拎黎配薄餅就岩岩好喇*ฺ(*´◡`)加埋其他野食，呢個份量已經好夠食！
佢嘅炸蝦混墨魚餅都幾好味🦑🦐，雖然呢道係好多泰國餐廳常見嘅菜式，但佢勝在上到黎影左陣相都仲keep到夠熱夠脆，再配上酸辣醬，做餐前小食就岩曬！
但其實我最中意嘅都係佢嘅Cocktails🤣🤣🤣每杯嘅名都加入左啲泰國元素，例如Mojito就變左Thaijito🍹清新得黎又有啲荔枝嘅甜味ヽ(•̀ω•́ )ゝ✧對於想試下特別口味嘅人，我就好推薦Phuket Viva！佢以紅酒作base，再配以青檸同橙汁作中和，一開始想像唔到呢啲味加埋會點，點知好好飲！唔會過甜，恰到好處🤓
但當晚留意到餐廳明顯人手不足，導致上菜同點餐都要等待較長嘅時間。除此之外，我覺得佢係一個好適合同朋友聚會嘅地方。🤔如果你今日一心想食泰菜，當然仲有好多其他選擇啦～但如果你更想有個舒適嘅環境同朋友傾下計chill一chill嘅話，SAYAM Thai/Bar會係好好嘅選擇！
推薦指數 ❤️🔥❤️🔥❤️🔥/5
Post
