Opa Mediterranean Bar and Bistro (Closed)

漆咸道一向酒吧林立，呢間唔單止有酒飲，仲有好多西班牙特色美食😚。呢間之前食過午市，對佢希臘茄子特別印象深刻，特登嚟食多次晚市。晚市相對午市定價比較高，不過氣氛不俗，入夜會點上小燈，又唔算嘈吵，飲酒傾偈其實都幾啱。油封鴨肉意粉 （$178）意粉偏硬身，蕃茄同牛油味濃，加松子仁後幾香，不過鴨肉切做細絲，味道不算突出。份量兩個人share剛剛好。中東烤雞胸 ($188)竟然係最喜出望外嘅dish! 薯條有淡淡黃薑同茴香味，所以鹹香得來會帶少少香料苦感。而雞胸外層烤得頗香口，切開滑嫩到似雞腿肉一樣，幾乎食唔到纖維感🫣，茴香同蛋黃醬mix埋嘅香味溫和，口感滑身而輕盈，好夾雞胸，絕對高分。