梅之味 (麗都大廈) (Closed)

朋友搬左屋，上佢屋企之前就係附近食ｄ野先啦，見到呢條街又有西餐，又有台灣野，又有上海野，都幾多野食架喎！最後緊係揀台灣野啦，因為可以飲珍珠奶茶呀嘛！坐低望下openrice，推介左宗棠雞，所以就叫左一份。原來都幾大碟喎，雞肉香脆又多汁，甜甜辣辣咁，幾開胃，送飯／做小食都唔錯！朋友叫左碗豬排擔擔麵，豬排好大塊，炸得好食，擔擔麵個湯超濃郁唔馬虎，麵質都幾好！！我要左牛肉麵同埋珍珠奶茶，牛肉麵都好好食，麵質夠彈牙，牛肉夠淋，湯底又唔太咸，正！珍珠奶茶少甜剛剛好，珍珠唔會太硬，茶都夠香唔係得死甜最後食埋個芋圓，唔會太甜，芋圓真係食到有芋頭！仲有ｄ仙草／珍珠／紅豆，仲有芋頭！好滿足！！