荳號 (花園街) (Closed)

荳號 (花園街) (旺角)旺角花園街3-5號鴻威大廈地下4-5號舖行過同朋友買嚟飲吓百香果蝶豆花乳酸梳打呢個係夏日特飲。首先，佢嘅外表就好吸引，淡黃色嘅梳打同百香果底加埋紫色嘅蝶豆花，好靚好吸睛。飲落去，第一口就可以感受到百香果嘅酸味同淡淡蝶豆花，真係好開胃。百香果嘅酸味同乳酸梳打嘅氣泡結合得好恰到好處，唔會太酸又唔會太甜，一啖下去有種清新嘅感覺，連百香果籽一齊入口，帶嚟嘅層次感更加豐富。去荳號我會推薦你試下百香果蝶豆花乳酸梳打！宇治金時抹茶紅豆牛奶佢嘅呈色好吸引，深綠色嘅抹茶同埋紅豆。飲落去，第一口就可以感受到紅豆嘅香甜味道，不過佢嘅紅豆有啲砂糖，令到個飲品冇咁順滑。抹茶嘅口感本身好滑順，我自己就鍾意更加濃更加苦嘅抹茶。但如果你鍾意抹茶同紅豆嘅組合，可以一試！芋圓凍頂烏龍鮮奶茶又係一款好少見嘅飲品，烏龍奶茶加上色芋圓，好有趣嘅配搭。飲落去，第一口就可以感受到清香烏龍茶，再食埋芋圓，就有煙煙韌韌嘅感覺嘅，好似食緊甜品咁🤣 如果奶茶個比例再精準啲就perfect池!