Video
Read full review
2017-06-12
126 views
同朋友行完街之後，見到旺角有一間叫做「甲天下正宗桂林米粉」，有我最鍾意嘅米線、米粉食，就去試吓。餐廳喺「旺角街市」附近，落單係自助形式，木桶入面有點菜紙同筆，自己用鉛筆Tick想食啲乜嘢，餐廳招牌係「桂林米粉」同埋「土豆粉」，有六款煮法，任君選擇。我地點咗桂林米粉一齊share，配料揀咗娃娃菜、滷大腸、滷五花肉、香辣蟹柳、蒜香豆角、單骨雞翼、醬香豬手、小炒肉、紅燒排骨等等，另外再叫左幾樣「特色風味小食」，分別係玉林牛巴、風味烤魷魚鬚、香煎千頁豆腐同埋椒鹽炒土豆四樣嘢，另外叫咗椰子汁同埋雀巢檸檬茶飲。係等嘢食之際餐之後，見到自助小食吧擺左「醃青椒」同埋「醃蘿蔔」，我哋就夾左幾粒試吓。醃青椒切開一塊塊，初時以為食落去都會好辣，點知食落口酸酸地，幾開胃，咬落去爽爽地，幾惹味，而且唔太辣。醃蘿蔔就一粒粒好正方體咁，食落去爽口，都係酸酸地嘅味道，幾開胃。至於小食方面，一次過就嚟咗「風味烤魷魚鬚」、「香煎千頁豆腐」同埋「椒鹽炒土豆」同埋「玉林牛巴」。魷魚鬚望落去好大條而且好粗，望落去有好多調味料係魷魚鬚既表面，食落口好香口美味，絕無油炸成份。至於個豆腐非常惹味，豆腐嘅質感比較實少少，同百福豆腐一樣
餐廳喺「旺角街市」附近，落單係自助形式，木桶入面有點菜紙同筆，自己用鉛筆Tick想食啲乜嘢，餐廳招牌係「桂林米粉」同埋「土豆粉」，有六款煮法，任君選擇。
我地點咗桂林米粉一齊share，配料揀咗娃娃菜、滷大腸、滷五花肉、香辣蟹柳、蒜香豆角、單骨雞翼、醬香豬手、小炒肉、紅燒排骨等等，另外再叫左幾樣「特色風味小食」，分別係玉林牛巴、風味烤魷魚鬚、香煎千頁豆腐同埋椒鹽炒土豆四樣嘢，另外叫咗椰子汁同埋雀巢檸檬茶飲。
係等嘢食之際餐之後，見到自助小食吧擺左「醃青椒」同埋「醃蘿蔔」，我哋就夾左幾粒試吓。醃青椒切開一塊塊，初時以為食落去都會好辣，點知食落口酸酸地，幾開胃，咬落去爽爽地，幾惹味，而且唔太辣。醃蘿蔔就一粒粒好正方體咁，食落去爽口，都係酸酸地嘅味道，幾開胃。
至於小食方面，一次過就嚟咗「風味烤魷魚鬚」、「香煎千頁豆腐」同埋「椒鹽炒土豆」同埋「玉林牛巴」。
魷魚鬚望落去好大條而且好粗，望落去有好多調味料係魷魚鬚既表面，食落口好香口美味，絕無油炸成份。
至於個豆腐非常惹味，豆腐嘅質感比較實少少，同百福豆腐一樣咁滑，咬落去外皮薄薄地小小脆，一啲都唔熱氣，幾好食。
土豆好似薯角咁，切成三角形一粒粒，食落去外層脆，入面番薯薯仔味道，味道似番薯多個薯仔。
玉林牛巴咬落去香脆嘅皮連埋鮮嫩既肉，好正，而且味道濃郁，好香嘅蒜辣味道。
至於米粉嘅配料，我至鍾意食佢嘅「單骨雞翼」，叫咗兩份雞翼都有起碼八條以上，雞翼啲皮炸得好香脆，而且肉質好滑嫩，一啲都唔「鞋」，一口氣食咗三四條了。
其他配菜都好好食呀，仲有滷大腸、小炒肉、香辣魚仔、酸豆角等等，有肉類又有蔬菜類。另外桂林米粉有啲似米線嘅感覺，白色的，麵質唔算太粗身，而且湯底好似豬骨湯底咁嘅味道，唔算太油，食落口麵質唔算太林，值得再試。
食咗咁多樣嘢都係差不多＄200埋單，非常超值，值得一試。
Post
