喜歡裡米線

Open Now

Now Closed

大角咀呢度真係好多野食，是日黎到呢區收貨後便到附近搵食，見到米線舖便決定食佢了，坐低後睇睇餐牌，嘩，不得了，勁多選擇！米線套餐，自選麵餐，碟頭飯，仲有勁多小食。一時間決定唔到食咩添，哈哈，最後都係決定食米線，本來就因為佢入店㗎嘛。點了腩肉，生菜，溏心蛋麻辣小鍋米線，滷豆腐同凍檸茶。溏心蛋不算太流心，但幾有蛋香，腩肉軟腍入味，半肥瘦正啊，再加兩條菜平衡下。米線爽口，呢個硬度好對胃，湯底鮮味，第一次食怕太辣，所以只要了bb辣，但bb辣真的好bb，哈哈，不夠辣，連忙叫店員幫手加辣，加左辣就啱啦，夠麻夠辣先過引呀～好多無食過就叫了滷豆腐小食，一碟有六大舊，吸滿滷水汁好正。見隔離枱食餃子麵好正咁，又追加了一份自家手工菜肉餃，大大隻好飽滿，皮薄餡鮮，好好味～凍檸茶夠冰凍，解辣啱晒。小店內貼滿食物相片，選擇困難症呀，哈哈。下午茶仲有特價餐添呀，好抵食。