萬花紅火鍋酒家 (Closed)

原本諗住同外國人朋友去SOHO食西餐，點知佢話想食chinese food, 突然間都唔知邊到有，咁我地邊傾邊行邊搵就搵到呢間，之前我都唔知中環會有間咁地道嘅菜館，地方細細，好似一間開咗好耐嘅老鋪。凍凍地，最好食羊腩㷛，點知個羊腩㷛係我食過嘅最差，無羊味又肥，份量只得十件左右，D腐竹同冬菇'梅梅地'，個汁好似水咁淡，毫無水準，附送嘅生菜又唔知點解會水煮過，咁就賣$158，另外仲叫咗碟上湯肉碎浸波菜$68，都係偏淡味，但外國人朋友就食得好滋味，我只係食幾口，唯一吸引就係隔離枱叫咗一籠馬拉糕，唔係酒樓食小點果D size，而係成個巴士呔盤咁大個。