Video
Read full review
2023-04-21
1283 views
東南亞菜系中，一向都幾鍾意食越南菜，曾經自由行去過越南兩次，到訪過唔少地方，河內、胡志明就唔在講啦，上木帆船晌下龍灣過一晚嘅旅程好舒服，到美奈睇沙漠賞夕陽亦喺唔錯體驗。今晚就嚟到「越風味」食吓越南嘢，短期暫未打算出門，就先回味一吓越南味道。雖然餐廳門口窄窄，但整個舖位好深長，可以一眼望到尾，加上一室蘋果綠，又夠光猛，所以，予人感覺好清爽，牆身兩邊有少少越南嘅風景油畫，以及越南嘅傳統笠帽作裝飾，帶出少少越南風情。餐枱就一大本過埋膠，都有啲難影，好彩門口有啲單張紙攞，所以，掃描出嚟俾大家參考吓。睇落都喺好慣常見到嘅越南美食，如米紙卷、越式法包、風味小食、湯河、撈檬、飯品……等等，仲有各式各種特色飲品，選擇十分多，定價合理，又唔收加一。枱上就放咗幾樣調味料，而枱側就放咗餐具、紙巾。我哋簡簡單單食個粉麵，加杯飲品就算。自製春卷撈檬 $68友人同樣好鍾意食越南菜，不過，佢對撈檬就情有獨鍾，反而對湯粉卻喺一般般，所以，揀咗呢一款撈檬。睇啲春卷賣相，跟平常嘅好唔同，頗有特色，佢話唔單止脆而不膩，更喺味道豐富，非常好食；檬粉之上有大量甘筍絲、青瓜絲、生菜絲同花生碎，再到埋魚露撈埋一齊食，晌呢個初夏時食
雖然餐廳門口窄窄，但整個舖位好深長，可以一眼望到尾，加上一室蘋果綠，又夠光猛，所以，予人感覺好清爽，牆身兩邊有少少越南嘅風景油畫，以及越南嘅傳統笠帽作裝飾，帶出少少越南風情。
餐枱就一大本過埋膠，都有啲難影，好彩門口有啲單張紙攞，所以，掃描出嚟俾大家參考吓。睇落都喺好慣常見到嘅越南美食，如米紙卷、越式法包、風味小食、湯河、撈檬、飯品……等等，仲有各式各種特色飲品，選擇十分多，定價合理，又唔收加一。
枱上就放咗幾樣調味料，而枱側就放咗餐具、紙巾。我哋簡簡單單食個粉麵，加杯飲品就算。
自製春卷撈檬 $68友人同樣好鍾意食越南菜，不過，佢對撈檬就情有獨鍾，反而對湯粉卻喺一般般，所以，揀咗呢一款撈檬。睇啲春卷賣相，跟平常嘅好唔同，頗有特色，佢話唔單止脆而不膩，更喺味道豐富，非常好食；檬粉之上有大量甘筍絲、青瓜絲、生菜絲同花生碎，再到埋魚露撈埋一齊食，晌呢個初夏時食，實在美味透心涼。
椰汁芒果西米露 $28若非擺喺飲品一欄，真喺以為佢喺個甜品，哈哈！大大杯西米露其實加咗大量椰汁底，飲落好清甜，椰子味濃，西米都無話煲腍晒，口感啱啱好，加埋有啲清甜嘅芒果粒，實在唔錯。
鮮茄蟹肉扎肉湯檬 $82晌越南菜館食湯檬大多數都喺牛骨湯，蕃茄湯底都喺第一次，加上都幾鍾意食蟹肉、湯粉麵，所以揀咗呢個。跟預期有小小落差，因為以為蟹肉喺一梳梳嗰啲，而呢次喺半隻軟殼蟹；不過另一方面，原來除咗扎肉，仲有好多餸料，如鮮蝦、豬肉丸、香葉肉卷、豆卜，味道亦唔錯，加上個蕃茄湯底確喺幾濃香，幾開胃。
鮮榨芒果沙冰 $38小弟幾鍾情芒果系飲品，加上店家標明喺鮮榨，自然喺一大亮點。揀咗杯芒果口味，沙冰嘅份量非常之足，夠晒大杯，而且芒果味確喺清甜濃郁，此外，質感打得好幼細，完全唔會有嗰種冰粒感。
依家嘅砵蘭街搞搞吓可以講喺發展咗成條食街，由旺角到油麻地整大段街，兩旁食肆林立，相對亦好大競爭，所以，做得住嘅餐廳絕對喺有一定嘅實力，睇見今晚「越風味」有咁多人幫襯，就知差唔得去邊。
Post
