Sodam Chicken (Closed)

今日同朋友黎希慎搵avengers 影相，影完好想食炸雞，見呢間炸雞最近都都幾多人介紹，就一於黎試一試😋😋三併炸雞$188我地簡左黃金鹹蛋，蜜糖芥茉，檸檬柚子三隻味,鹹蛋配炸物基本上無得輸，配炸雞就簡直屈機，蜜糖芥茉就以甜蜜掩飾邪惡，令你一啖接一啖，檸檬柚子就比較清新少少，減低罪惡感😂三款口味都好推介👍🏻太陽芝士炸雞$198呢個啖啖芝士夠晒邪惡，拉絲程度都唔錯，略嫌調味有小小鹹，而食到最後都有小小漏😂😂青蘋果特飲+菊花蜜特飲$58+$29部分特飲做緊第二杯半價，黎到時候嚇左嚇，原來勁大杯，兩杯都係用梳水調製，青蘋果甜甜地幾清新，朋友就話佢個杯似有氣既菊花茶幾得意。另需加一，三個人食到勁飽埋單$520。