Video
Read full review
2015-12-08
990 views
今日同大少想去黃埔睇戲，諗住睇“那一天我們會飛”，點知……去到黃埔間UA，佢竟然……竟然同我裝修……真係有啲想講自己好白癡，點解唔上網睇左先，咁大安旨意，因為次次都好少人睇~既然戲睇唔成，我地就開始行吓街，順便去搵食~行去OutBack嗰邊，見到有間Cafe都幾人等位，見到多人等一定無死XDXD等咗大約15-20分鐘就有位對於一個紫色控嚟講，佢塊牆完全啱晒我胃口，因為我係極級鍾意呢隻紫色，而且牆上面亦都放咗好多相，有啲係拉花相，有啲係食物相海蝦蕃茄醬意粉 - 其實食意粉，我唔係太鍾意食紅汁，而且我覺得意粉都係白汁或者白酒煮會好味啲，但係……佢呢個蕃茄醬我覺得唔太酸，重有啲甜甜地，個海蝦好爽口，意粉亦好彈牙 (AL DENTE)，繼上次去上環食到間彈牙意粉之後，呢間係我比較驚喜嘅其中一間，試問大家去Cafe會唔會預自己會食到彈牙意粉﹖一般都係淋到無牙BB都食到架喇~~焗芝士牛油鮮菌薯皮 - 個薯皮好得意，我估咋，我估佢係將薯仔肉起一部份，留返一少部份黏住薯皮，再將變成蓉嘅薯仔肉放入薯皮，加入鮮菌，拎去焗爐焗，因為我同大少覺得個皮部份焗得好香脆，而中間，除咗食到鮮菌之外，薯仔部份極似薯蓉，
既然戲睇唔成，我地就開始行吓街，順便去搵食~
行去OutBack嗰邊，見到有間Cafe都幾人等位，見到多人等一定無死XDXD
等咗大約15-20分鐘就有位
對於一個紫色控嚟講，佢塊牆完全啱晒我胃口，因為我係極級鍾意呢隻紫色，而且牆上面亦都放咗好多相，有啲係拉花相，有啲係食物相
16 views
0 likes
0 comments
15 views
0 likes
0 comments
味道完全無得頂~~
手工和牛漢堡 - 用和牛做漢堡，真係無試過喺Cafe食過，漢堡扒好Juice，個飽其實如果兩個女仔嚟，可以叫一個就會飽，因為都唔細，再加埋薯條，其實真係唔錯~~
杏仁朱古力 - 其實我有好多朋友都唔鍾意杏仁嘅味道，唔知點解，但係，我就好鐘意，煲湯所有南北杏我都會食、杏仁茶、杏仁豆腐花、杏仁糊，總之係杏仁味我都好愛~呢杯古古力最特別嘅地方除咗佢個拉花係熊啤啤之外，真係估佢唔到，入面竟然有一粒粒嘅杏仁小粒，飲飲吓，大少完全唔記得咗有杏仁粒，爭啲哽親 XDXD
熱烤榛子朱古力 - 香濃榛子味道，不過如果朱古力再甜多啲會再開心啲，同埋……個拉花好得意，係肥版龍貓~~
Oreo & Brownie Waffle - 全晚邪惡之最，窩夫都已經夠肥，重要再加埋Oreo同我至愛嘅Brownie，簡直將我減肥計劃終止咁滯(好彩咁食法第二日磅重都只係重咗一磅咁多)Oreo就無得挑剔喇，好難唔好食，個Brownie我覺得可以再甜少少，質感絕對OK
其實窩夫我最欣賞係餅身唔太實，食落好似陣風咁係最好，因為窩夫話晒都只係甜品，太實會好飽，呢個我覺得啱啱好，當然……我地都係食唔晒喇~~
Post
