Sodam Chicken (Closed)

朋友推介下嚟咗食個平安夜大餐。耀華街商業大廈上樓食肆，好處係冇自由行，冇普通話。但依然要等位而人太多，𨋢口位企滿人有點焗促，不過大時大節係冇辦法嘅入到去先知是日有最低消費$200,同限時90分鐘，其實嚟得都預咗，不過等咗咁耐入到座先講個心就唔係咁舒服囉～等咗30分鐘，又焗又悶，都冇乜心情反抗，就坐低叫嘢食。好leuk水嘅飲品，大大個菊花裝飾係有睇頭嘅，不過味道就唔驚喜沙律都合理嘅，份量同調味都足料，為炸物重肉夜留點清新開場。雙重芝士係兩種分開嘅芝士味，淺色嘅淡味D,大部份人都較喜歡重口的，炸得好香脆，冇乜油份，雞搥同翼都較嫩滑，雞背就冇乜肉要損骨，手快D先有好嘢食猶豫下叫多個炸物。。。超熱氣，但有驚喜紫菜卷外脆而內裡粉絲營造內嫩效果好邪惡嘅大排骨，都係唔同部份質素不一，邊位大舊肉，但有點"鞋口"，近骨位就夠嫩，都可以的。總結: 想食炸雞外間選擇好多，地方環境尚可，味道OK,飲品希望可改善。