麥上日光 (Closed)

麥上日光，源自奧地利百年烘焙品牌，主打以自家培植的天然酵母，烘焙健康手工麵包，而最出名的係流心芝士包。最近聽同事講，試左個五層流心芝士包超好食，今日經過灣仔，就買左個黎做Lunch。奧地利五層流心芝士包 (1/4個) $25 - 價錢唔算平，但拎上手有重量，望落芝士餡亦有份量，唔似一般空氣包。第一口咬落去，濃濃芝士餡就湧出黎，麵包十分十分鬆軟，芝士係黎自澳洲及紐西蘭的Cream Cheese，再係麵包上面鋪上奶粉，所以芝士味十分濃郁。口腔內充斥住滿滿的邪惡香濃芝士，但卻無好膩嘅感覺，實在係有驚喜。不知不覺食晒成個，十分滿足。聽同事講仲有兩種食法。一種是加熱黎食，麵包會軟身，芝士會熔化；另一種是放入雪櫃，雪凍先吃，會好似食Cheese Cake 咁。據說每日限量供應，如果下次有機會，可以再試其他食法。