Video
Read full review
2016-02-03
795 views
今日年廿五, 第一日開始年宵巿場, 於是專登由屯門出去維園行。一行三人, 正煩惱去邊度食好, 我呢個芝士控又嚟料嘞, 係都要去紅磡呢間熱狗店食。雖然都食過三四次, 但都會想再嚟。今次叫咗我次次都叫嘅地獄芝味四重奏, 我真係對佢情有獨中, 次次都食呢個, 貪佢芝味最重, 芝士脆皮腸, 外面脆得嚟又唔韌, 啲芝士次次都一樣可以做到勁拉絲, 又多又香雖唔算濃郁, 但重點係唔太鹹, 夾埋一齊食, 真係無得頂呀, 每次個靚女店員都會叫我試下加埋個黑松露炒蛋炒落去食, 雖然我都好鍾意食黑松露炒蛋炒但總覺得加咗落去會比啲芝士味蓋過咗, 所以次次都無加。有機會我都會試下加咗係點。個笑薯餅又係我必食之選, 外脆內軟, 又熱辣辣喎, 入面軟得嚟又香好似食薯蓉咁, 就算唔加芝士醬都已經好好食, 今次老公話要加芝士醬, 反而令我覺得太漏, 好鬼飽同好有罪惡感。朋友叫咗個雙囍狗套餐, 兩條法蘭克福腸, 略鹹咗小小, 但加埋菠蘿酸酸甜甜, 就當堂覺得清新咗唔覺咁鹹,熱溶芝士依舊超級拉絲, 一樣咁好味。最後試咗個新出嘅走地豬豬漢堡狗, 個熱狗好足料, 兩大塊豬漢堡加腸, 下層有洋蔥同菠蘿, 口感豐富, 味道都好食,
地獄芝味四重奏
43 views
0 likes
0 comments
今次叫咗我次次都叫嘅地獄芝味四重奏, 我真係對佢情有獨中, 次次都食呢個, 貪佢芝味最重, 芝士脆皮腸, 外面脆得嚟又唔韌, 啲芝士次次都一樣可以做到勁拉絲, 又多又香雖唔算濃郁, 但重點係唔太鹹, 夾埋一齊食, 真係無得頂呀, 每次個靚女店員都會叫我試下加埋個黑松露炒蛋炒落去食, 雖然我都好鍾意食黑松露炒蛋炒但總覺得加咗落去會比啲芝士味蓋過咗, 所以次次都無加。有機會我都會試下加咗係點。
芝士笑薯餅
26 views
0 likes
0 comments
個笑薯餅又係我必食之選, 外脆內軟, 又熱辣辣喎, 入面軟得嚟又香好似食薯蓉咁, 就算唔加芝士醬都已經好好食, 今次老公話要加芝士醬, 反而令我覺得太漏, 好鬼飽同好有罪惡感。
雙囍狗
26 views
0 likes
0 comments
走地豬豬漢堡狗
78 views
1 likes
0 comments
總括嚟講, 鍾意食超級拉絲嘅人一定要嚟試下, 間鋪好細間, 座位得五個, 專做外賣, 女店員又靚又有禮貌, 等待食物時間唔算長一般五至十分鐘左右, 我個人意見係一定要襯熱食, 因為有次買返去屯門先食, 芝士凍咗就無咁好食LU
Post
