Video
Read full review
2021-07-29
228 views
兩星期一日嘅cheat day當然要食好啲，黃埔呢間日式餐廳好似幾抵，又好掛住炸雞嘅味道，所以決定食佢嘅門司巷燒咖喱唐揚雞球飯($56)😍朋友叫咗咖喱牛肉飯($53)，午餐跟一杯熱飲，所以有柚子綠茶同加$2嘅蘋果乳酸🍎唔好睇佢細細個碗咁，其實好大份好多飯，一般女士可能食唔曬，但我呢啲大食怪當然無問題🤪表面鋪滿拉絲芝士，無諗過仲有隻震騰騰嘅溫泉蛋，拮開蛋黃睇住啲蛋汁流出嚟，吸引力同賣相都100分🤩芝士啱啱好配曬成碗飯，唔會太膩，但朋友同我都覺得食唔出燒過嘅焦香味，芝士味都冇乜，主要食個口感🥲溫泉蛋超滑無得頂🥰咖喱可以揀甘口或者辛口，甘口真係完全唔辣，但整體咖喱味唔濃，聞落都冇話好香，可能叫辛口會好啲🤔幾鍾意佢有唔少洋蔥、蘿蔔同薯仔粒，唔會得汁咁齋👍🏻可惜啲飯太濕，唔知係咪落得太多水煮，無辦法粒粒分明，加埋咖喱更加係黏住曬😗相信餐廳係即叫即炸，因為等咗好一段時間先有得食🤣雞球大大舊熱辣辣，雞肉嫩滑多汁，外皮同肉之間嘅肥膏唔會太厚又唔會完全無，係中上水平嘅唐揚雞球😚不過對比某啲餐廳佢嘅外皮唔係好脆，但起碼唔會無啦啦有層好厚嘅粉😉牛肉係正常肥牛，份量啱啱好鋪滿飯面，無咩太特別👌🏻朋友話蘋果乳酸
門司巷燒咖喱牛肉飯
$53
17 views
0 likes
0 comments
門司巷燒咖喱唐揚雞球飯
$56
9 views
0 likes
0 comments
唔好睇佢細細個碗咁，其實好大份好多飯，一般女士可能食唔曬，但我呢啲大食怪當然無問題🤪表面鋪滿拉絲芝士，無諗過仲有隻震騰騰嘅溫泉蛋，拮開蛋黃睇住啲蛋汁流出嚟，吸引力同賣相都100分🤩芝士啱啱好配曬成碗飯，唔會太膩，但朋友同我都覺得食唔出燒過嘅焦香味，芝士味都冇乜，主要食個口感🥲溫泉蛋超滑無得頂🥰咖喱可以揀甘口或者辛口，甘口真係完全唔辣，但整體咖喱味唔濃，聞落都冇話好香，可能叫辛口會好啲🤔幾鍾意佢有唔少洋蔥、蘿蔔同薯仔粒，唔會得汁咁齋👍🏻可惜啲飯太濕，唔知係咪落得太多水煮，無辦法粒粒分明，加埋咖喱更加係黏住曬😗
相信餐廳係即叫即炸，因為等咗好一段時間先有得食🤣雞球大大舊熱辣辣，雞肉嫩滑多汁，外皮同肉之間嘅肥膏唔會太厚又唔會完全無，係中上水平嘅唐揚雞球😚不過對比某啲餐廳佢嘅外皮唔係好脆，但起碼唔會無啦啦有層好厚嘅粉😉牛肉係正常肥牛，份量啱啱好鋪滿飯面，無咩太特別👌🏻
蘋果乳酸
$2
6 views
0 likes
0 comments
柚子綠茶
9 views
0 likes
0 comments
朋友話蘋果乳酸okay，我試咗一啖，酸酸甜甜係唔錯，但蘋果味好淡、有啲假，不過以跟餐飲品嚟講可以接受👌🏻
Post
