Pizza Maru (荃新天地)

Open Now

Now Closed

餐廳人氣十足，去到排了一陣先入座。菜單上主打薄餅選擇勁多，其它仲有拌飯、意粉、沙律、炸雞等樣樣吸引，價錢經濟和美味，食完埋嗥覺得抵食。韓番蟹肉芝士波 $96六件芝士波大大粒，外層炸脆饀料十足，洋蔥、蟹肉、芝士、蒜蓉、三色椒等，饀料太碎所以口感單一，碟底番茄醬甜酸帶辣惹味開胃。群蟹派對 $148薄餅九吋以番茄醬底，但被金黃芝士完全覆蓋。加了金芝邊$32，賣相超級靚仔，邊邊有香甜蕃薯慕絲。配料有蟹肉、鮮蝦、紫洋蔥、燈籠椒、粟米、木魚花、香芹片、蘑菇等。薄餅上的芝士勁多口感煙韌，帶來視覺和味覺的滿足，食完會好開心的。甜辣秘製炸雞  $118炸雞六件雞件有骨無大啖肉的滋味，炸皮薄肉質一般，甜辣醬乃靈魂之所在，味道甜而不辣，沾了相當美味，食完唔覺油膩。Lychee Makgeolli $58韓國特產米酒只有3%酒精濃度。味道甜甜地少少酒味，加上荔枝芳香，清新怡人非常特別，值得一飲。