Neighbor (Closed)

週六晚因仍忙於為翌日o既生日派對籌備三小時舞曲，傍晚時份就同舞友喺鄰近工作坊間「Neighbor」度食晚餐，叉滿電後先再揀歌歌。XO仔最愛兩層高o既餐店咁有戶外感o既裝潢，見到四周圍啲花花草草身心都好似特別輕鬆愉快咁，第一次光臨o既靚女舞伴亦有同感，話估唔到簡單o既草園設計可以有咁煥然一新o既感覺。坐喺寬闊o既卡位最為舒暢。埋位即有暖水兩杯。及餐牌兩份。其中一份係平時都見o既兩頁散叫及套餐餐牌。而另外一份係店子啱啱新推o既漢堡餐系列。愛試新野o既小肥就點咗份「超級芝士牛肉漢堡」。女伴點咗客「美國安格斯肉眼」，配凍檸檬茶。求奇特飲（$43）：由於環境太靚，小弟就決定好唔求奇咁點咗杯求奇特飲。鮮紅艷麗o既特飲不單吸引，呷一口即嚐到草莓及紅莓o既香甜，加上檸檬梳打o既泡泡，效果清爽得一啲都唔求奇。超級芝士牛肉漢堡（$78）：外表看似平凡o既超級芝士牛肉漢堡一刀切落去已覺包品同牛肉餡心都一樣鬆軟。食埋落口就知漢堡口感同味道都極為豐富，包身鬆軟之餘，連同新鮮爽脆o既生菜、蕃茄、生洋蔥醉及香濃熱辣o既芝士，組合非常協調。菠菜鵝肝多士（$88）：兩口子另外仲分咗客鵝肝多士。墊底o既多士好鬆脆，頂面件