FEAST (Food By EAST)

熱葷叫咗牛扒（5成熟）好嫩滑，有牛味但好似冇落鹽咁，帶子好淡、蒜茸蝦好啖，都好似冇落鹽咁，問職員攞咗樽鹽同點咗辣椒仔辣汁，食落稍為好少少，但都冇再叫了，食一次就夠。烤鴨刈包、黑松露青豆雞蛋炒飯OK的。煎三文魚、烤豬腩肉幾好味，外皮都脆卜卜又夠熱。生蠔好削唔夠肥美但味道ok的，但我老公都食咗40幾隻。長腳蟹啖啖肉，蟹味濃郁鮮甜，值得一讚凍蟹同翡翠螺味道ok的，要小心翡翠螺食嘅時候有d碎殼痴住肉。沙律有6款，我太飽只食咗3款：藜麥木瓜沙律、蘋果紅菜頭酸薑沙律、凱撒沙律，都好好味。花鵰豬手唔好味，好硬冇乜肉又唔夠酒香。酸薑皮蛋幾好味我食咗兩件。甜品好多選擇，試咗大半都幾好味，最鐘意係焦糖批，批饀係果仁碎好香口，馬卡龍食咗黑加侖子味、咖啡味同開心果味都好正。雪糕係自家製，口味比較特別，有唔知咩豆（出到去啱啱冇晒換上了紫薯味），仲有甘草味同抺茶味，有焦糖漿同幾款配料俾你自己落。好鍾意佢有一大碗新鮮切粒嘅水果，有西瓜、綠色蜜瓜、哈密瓜、菠蘿、青提子、黑苺，我攞咗d巴馬火腿夾哈密瓜食，好正刺身新鮮，都好鮮甜。仲有幾款麵包、餅乾同芝士，不過太飽冇食到。飲品有幾款罐庄汽水同茶任攞、有兩部熱飲機可沖咖啡或