Video
Read full review
2018-04-26
44 views
上星期三晚上，放工後，喺大埔墟火車站行過去大明里附近睇吓又有咩好食。剛巧被郭仔記發光嘅招牌吸引咗，見佢都幾多客人坐喺度食，又實在好耐冇食車仔麵，所以決定入去試吓😉枱面放咗佢哋嘅車仔麵Order紙，上面都好多選擇。店長見我望住Order紙好似有少少選擇困難症，就過來推介郭仔記自家製豬軟骨。因此我叫了一碗豬軟骨、魚蛋、貢丸、芽菜米線配上沙嗲醬汁，加一杯凍檸茶。另外由於叫車仔麵，以優惠價$8就可以加一客（6粒）炸燒賣。熱辣辣炸燒賣，有驚喜，真的做到外脆內軟。燒賣皮剛剛炸完，金黃色脆卜卜。沒有炸過火，燒賣裡面依舊保留到魚肉燒賣的煙韌👍🏻車仔麵到了，睇落都幾大碗， 有五件豬軟骨、兩粒大貢丸、六粒魚蛋。豬軟骨果然好入味，軟骨爽脆，豬肉入味，果然冇選擇錯。貢丸方面，有彈牙的口感及香菇豬肉鮮味，不錯😋陳皮魚蛋果然有很香的陳皮味，口感不俗。由於當我點餐時，店長見我有問及辣味魚蛋是否很辣時，所以他送了一粒辣味魚蛋給我試試。辣味魚蛋果然有D辣，辣味有少少蓋過咗陳皮味。其實兩款都好食，如果可以每款一半會更好🤣（有少少貪心）沙嗲汁好香，香香甜甜又辣辣地，越食越開胃，值得推介。米線軟硬適中，加埋吸收了沙嗲汁精華既
枱面放咗佢哋嘅車仔麵Order紙，上面都好多選擇。店長見我望住Order紙好似有少少選擇困難症，就過來推介郭仔記自家製豬軟骨。因此我叫了一碗豬軟骨、魚蛋、貢丸、芽菜米線配上沙嗲醬汁，加一杯凍檸茶。另外由於叫車仔麵，以優惠價$8就可以加一客（6粒）炸燒賣。
熱辣辣炸燒賣，有驚喜，真的做到外脆內軟。燒賣皮剛剛炸完，金黃色脆卜卜。沒有炸過火，燒賣裡面依舊保留到魚肉燒賣的煙韌👍🏻
車仔麵到了，睇落都幾大碗， 有五件豬軟骨、兩粒大貢丸、六粒魚蛋。
豬軟骨果然好入味，軟骨爽脆，豬肉入味，果然冇選擇錯。
貢丸方面，有彈牙的口感及香菇豬肉鮮味，不錯😋
陳皮魚蛋果然有很香的陳皮味，口感不俗。由於當我點餐時，店長見我有問及辣味魚蛋是否很辣時，所以他送了一粒辣味魚蛋給我試試。辣味魚蛋果然有D辣，辣味有少少蓋過咗陳皮味。其實兩款都好食，如果可以每款一半會更好🤣（有少少貪心）
沙嗲汁好香，香香甜甜又辣辣地，越食越開胃，值得推介。米線軟硬適中，加埋吸收了沙嗲汁精華既爽口芽菜一齊食，一流！
另外餐廳裏面有辣菜脯（免費），可以加落車仔麵內一起吃，又有另一風味。不過菜脯的確有D辣，如果唔食得辣嘅朋友，要小心D加🤨
Post
