樂林小鍋米線 (Closed)

樂林小鍋米線今日同朋友去食左呢間米線，係鰂魚涌都算幾多人食。因為知道中午時間多人食所以下午茶先去食。入到去人都唔算好多，環境都幾乾淨企理。我叫左碗小鍋米線小中辣，加豬頸肉。米線的粉量都還可以，一般男仔會岩岩好夠飽。米線都稔唔會個面心有d硬，個人中意米線稔d😍湯底叫左中辣，都唔係好夠辣要再辣少少會比較好☺️個豬頸肉都好稔夠肥美，唔會有啲肉攝咗喺牙到，都有3塊大大塊塊幾好每碗都有半隻滷水蛋，個人最中意食呢個夠曬入面，都有芽菜酸菜，但係就覺得太酸如果無咁酸會更加好。肉燥都係每碗都有d但我覺得油左d同硬左d。最後因為下午茶送飲品就叫左凍朱古力，但就失望左d啦，好稀好似飲水咁我諗其他飲品應該會比較好。埋單32，咁的價錢食飽飽加有飲品都幾好。😌😊店內都有d其他飯咁好似台式肉燥飯，唔食米線都可以食下其他