蓉玥

Open Now

Now Closed

辛苦得來志在食，返工有時都真係激到成肚氣，圍爐食野申下先唔會屈到病。先以前好鐘意食泰國野「珍意」，自從珍意無做之後，就好似痛失飯堂，每日lunch time 唔知去邊好。之後開左間尼間「蓉玥」，食中菜主打四川，麻辣野係做得幾出色，味道調配得好好，之後再同大家介紹。今次想介紹佢既霸王雞，係姊去度最常嗌，雞嫩而且多蔥多芫茜，雞底下仲有啲青瓜絲，味道濃淡適中。至於咕嚕肉，用咗南乳醃肉，有淡淡的南乳味，但係就炸得太過火，肉有啲硬，所以咕嚕肉就唔係好推介。舖頭位唔多，都越嚟越多人幫襯，就算食12點都有機會冇位。📍 蓉玥 (筲箕灣)筲箕灣筲箕灣東大街14-22號東旺樓地下D號舖