Video
Read full review
2010-03-29
26 views
因為想同我小弟賀生日嘅關係，所以就上嚟搵吓有乜好吃！但咁啱佢生日正日唔得閒，所以就預早同佢食餐飯！咁啱俾我搵到文記，睇過之前啲評論都唔錯，一於決定同佢去試吓！雖然人就只得兩個，但係怕星期六會勁多人，所以六點半左右已經去到。上到去唔算好多人，但都已經見到有兩三枱客差唔多吃完 (((估唔到仲有人早過我地食晚飯))) 我地叫咗四樣嘢，包括︰1) 酥炸小棠菜 2) 蠔餅 3) 福建炒飯 4) 蒜茸少西蘭花酥炸小棠菜 --- 之前見有人講過話好食，所以叫嚟試吓啦！嘩 ~~~ 真係好好食，連我小弟都話好味！蠔餅 --- 又係見有人講過話好食，所以都叫埋嚟試！不過呢個蠔餅就...... 唔啱我地食囉！我會比較鍾意食油麻地興記果個蠔餅！雖然唔多好味，但唔想太浪費，所以我地都食咗大半！同埋食完之後都覺得幾『熱氣』，如果怕『熱氣』而又想試的話，可以試吓叫佢地唔好整咁燶！福建炒飯 & 蒜茸少西蘭花 --- 我小弟係果種冇飯落肚唔得果種人，而且叫咗兩樣『熱氣』嘢嚟食，冇菜食始終唔係幾好，所以我地就求其揀咗呢兩樣！味道就同出面好多食肆差唔多，所以都不用多說吧！下次再去試埋個椒鹽鮮魷至得！
但咁啱佢生日正日唔得閒，所以就預早同佢食餐飯！
咁啱俾我搵到文記，睇過之前啲評論都唔錯，一於決定同佢去試吓！
雖然人就只得兩個，但係怕星期六會勁多人，所以六點半左右已經去到。
上到去唔算好多人，但都已經見到有兩三枱客差唔多吃完 (((估唔到仲有人早過我地食晚飯)))
我地叫咗四樣嘢，包括︰1) 酥炸小棠菜 2) 蠔餅 3) 福建炒飯 4) 蒜茸少西蘭花
酥炸小棠菜 --- 之前見有人講過話好食，所以叫嚟試吓啦！嘩 ~~~ 真係好好食，連我小弟都話好味！
蠔餅 --- 又係見有人講過話好食，所以都叫埋嚟試！不過呢個蠔餅就...... 唔啱我地食囉！我會比較鍾意食油麻地興記果個蠔餅！
雖然唔多好味，但唔想太浪費，所以我地都食咗大半！同埋食完之後都覺得幾『熱氣』，如果怕『熱氣』而又想試的話，可以試吓叫佢地唔好整咁燶！
福建炒飯 & 蒜茸少西蘭花 --- 我小弟係果種冇飯落肚唔得果種人，而且叫咗兩樣『熱氣』嘢嚟食，冇菜食始終唔係幾好，所以我地就求其揀咗呢兩樣！味道就同出面好多食肆差唔多，所以都不用多說吧！
下次再去試埋個椒鹽鮮魷至得！
Post