翡翠拉麵小籠包 (Closed)

平時成日經過，都未食過，所以在某個星期日，終於都去試。食飯時間好鬼多人，我和阿媽六點幾鐘就去排隊，都要到七點幾，等半個鐘先可以入到去。起初望好耐的餐牌，都唔知叫乜好，終於叫菜肉雲吞麵、小籠包、鎮江骨三樣野。一) 菜肉雲吞拉麵：初見隻碗好大，以為好多，點知是得個大，份量好少，一個人都食得晒。不過都有五隻大大粒雲吞，皮薄餡靚，拉麵都好食。(四十幾蚊)二) 小籠包：一籠有四隻，都係大大粒，包住了好多上湯，好易穿，倒少少錯，簡直一流。非常好食，去到必試(二十五蚊）三) 鎮江骨：是染紅色排骨，味道好似薑醋咁，但我覺得麻麻地。都要四十幾蚊，唔好食。服務方面：都唔係幾好，剛剛食完就好快幫你收野，感覺好似想叫你快些走咁。環境方面：座得幾舒服，同埋好乾淨。兩個人叫咁少野埋單都要成$120，雖然平穩幾好食，但幾貴囉。好在食下午茶先去，如果唔係都唔飽。要食得飽需要$100左右。