海景粥店茶餐廳 (Closed)

見好多人話呢間「海景」d野唔掂、唔好食 但係我試過好多次，自覺都唔係咁差啫...我成日食既係﹕自選飯/意大利粉套餐﹕我成日揀 豬扒+餐肉，配意大利粉及茄汁(多d多d汁) 豬扒都幾大塊架 咬落去都幾腍，幾好味，不過就緊係一定有落d 鬆肉粉架喇，但 ok丫，起碼唔係腍到一“pat pat”噃 餐肉有「3」塊呀 真係好鬼慷慨~ 意大利粉既份量都頗多架~ 連埋飲品都係卅幾，真係唔貴架喇~ 唔好成日俾果少少錢，但又想要5星級既野食先得架 再者，次次我都會order要多一碗茄汁，佢地都ok喎，每次都俾我兼無「依依哦哦」，係呢d平民地方食野，唔駛下下都同d幾星級既食肆比較呀???粟米腸粉﹕$1x，即叫即製既食品，係就係要等2-3分鐘，但味道ok噃 腸粉是軟軟的，但粟米就有d咬口，我就幾鍾意咁既口感喇~蘿白糕﹕$1x，都幾厚身架 煎到金金黃黃咁，好好味呀!! 我個人就鍾意加d甜醬及麻醬同吃，一流呀!!白粥﹕$9，呢碗弼就當然唔及「妹記」or「七喜」啦 但係都ok既，就當係一碗杰杰地既熱糊仔囉~ 可能我幾鍾意呢種口感，加左d鹽後會食好多架~總括來說，只要你記住你去既只不過係一間好普通既平民粥店，你就唔會