Pancake Colours Cafe & Bar (Closed)

朋友同我慶祝生日，揀左呢度食晚飯，一入到去個佈置幾特別，每張同椅都不同款，可能時間尚早7點未到，環境都唔嘈雜，我同個朋友每一叫個一人套餐(餐湯+主菜+飲品+甜品)都係$58，餐湯只得忌廉湯一款，主菜揀左海鮮喇沙炒意粉，食落夠熱，有少少辣，都幾野味，另一款叫左白汁海鮮焗飯，上都係熱辣辣，飯上都有幾多海鮮，至於飲品，我地兩杯都係叫左咖啡系列，不過杯野就夠大杯，味道就麻麻，甜品有兩款選擇(西瓜或忌廉泡芺)，我同朋友都覺得野都幾好食，只係飲品唔掂，至於服務方便，待應入場有帶位，到差唔多食完主動幫你收碟，同會問下order齊未，有無漏單，當晚見有幾客慶祝生日，待應都有唱生日歌同幫忙影相，我同朋友坐左成三個鐘自己先埋單走人，可能係閒日所以無時間限制，收銀處亦見到一著便服女子同男人都有招呼客人，無之前寫食評人講到懶洋洋坐係度，可能餐廳管理人有所改善啦，呢度都係一個聚腳既好地方。