TOOLSS (Closed)

好耐之前網上聽過TOOLSS這家cafe，係唔少偽文青的選擇。前排終於可以去TOOLSS朝聖了。晚上七點去到，也避左最多人的時間。（聽講平時JCCAC有活動就好多人架喇)紫薯Latte不是很多地方有，跟朋友一路飲野，嘆下小食。紫薯Latte有淡淡紫薯香，飲落不算太濃，紫薯味有點不夠反之奶味較重，如果不太喜歡甜的你可以一試。不過唔好有太多期望，因為紫薯味唔太出。話說，從來鮮奶是紫薯最好的朋友。個人認為冬天飲好正！旁邊的配的牛油曲奇很鬆化，有牛油香，唔知係咪自家製呢。小食方面就點左兩款：雞翼＆炸墨魚丸不過TOOLSS的小食都係偏貴，咁o岩豆腐cheese cake又冇哂就隨意叫左少少。雞翼一上枱香噴噴，皮脆肉滑又無雪味，仲有淡淡地無味精味，所以食完唔會好口喝，呢個好驚喜呀整得好食過好多餐廳！４隻唔夠食啊！而後面的墨魚丸黎講，雖然大家都知係雪藏野，不過炸完唔油膩，香口之餘仲好彈牙添。小店仲加埋孜然粉同香草，令個炸物更加惹味！不過價錢就有Ｄ貴份量都唔多，不過過下口癮就冇所謂。