黑木亭居酒屋 (清風街) (Closed)

放假同朋友去天后行吓食下嘢見到呢間好似幾好，就入去試吓😚😚環境有啲迫，不過服務態度同氣氛好好。講翻食物先蟹肉薯仔沙律蟹肉好鮮甜，薯仔切既大小啱啱好而且煮得軟綿綿，之後有啲魚子增添口感，再配上沙律醬，非常滋味！好好既開胃菜。炸雞呢個麻麻可以唔洗嗌，因為炸得啲肉比較柴，而且冇晒肉汁南瓜餅南瓜蓉好鮮甜，外皮炸得唔錯，但冇乜特別帶子青瓜卷帶子好新鮮，係稍微煮熟既程度，軟硬適中而且唔腥，青瓜卷就比較普通冇乜特別。至於串燒方面我地點左兩串免治雞肉串燒，分別係cream醬同生蛋醬。cream醬微酸帶甜竟然同串燒好夾，好好味，反而生蛋醬比較失色，味道麻麻。雞肉串有少量既軟骨令到串有啲嚼勁。我地仲點左荔枝同蘆筍，荔枝有啲層次感，先咸後甜，有啲驚喜。至於蘆筍就普普通通，燒得ok。我都仲點左嗰鰻魚飯，炒得唔錯，一上桌就好香，鰻魚都唔錯，不過份量有啲少同比較油，飯底會見到一層油。總結都係一間唔錯既餐廳，缺點就係上菜時間比較耐。