鮨勝 (Closed)

平時去九龍城都係食泰國菜多，今次決定食豪啲，食omakase。$1380加一有十五道菜，師傅上每道菜都有詳盡解釋，裝修有格調。舖頭播嘅音樂以八九十年代日本歌為主，因為好多大熱歌都改編咗做廣東歌，幾有親切感。餐廳仲會幫客人準備一個皮革口罩套，好有心思。✨海膽布甸蕃茜苗 ✨松葉蟹配桃啫喱✨白海松貝配青檸汁✨金目鯛配昆布汁✨熟成半個月拖羅配芥末籽✨炸蒜本鰹魚✨炸金鯛 松露野菌醬配白蘑菇✨鮭魚壽司配蔥醬✨石桓貝配自製蛋黃醬✨中拖羅壽司配黃芥末醬及京蔥碎✨龍蝦汁、魚翅及松葉蟹蓉茶碗蒸✨牡丹蝦壽司配蝦頭蝦膏✨黑鱸魚壽司✨赤鯥魚壽司✨海膽手卷✨江戶前玉子 用蝦肉魚肉製作並無添加麵粉✨魚片野菌清湯✨香印提子配靜崗蜜瓜餐廳好用心配搭每道料理，有啲配搭仲幾得意。好似海膽整成布甸，傳統茶碗蒸又會配上龍蝦汁同魚翅，更顯矜貴。而刺身同壽司都會配搭唔同醬汁去帶出更多層次，好似炸蒜配本鰹魚好有避風塘風味。個海膽手卷份量多到o咗嘴，未試過一次過啪咁多海膽，諗返起都流口水。每道料理由前菜到水果都充分體驗到餐廳嘅用心，係一個非常好嘅用膳經歷。