Video
Read full review
2016-02-16
357 views
人日遇上情人節，街上喜氣，紅男綠女用鮮花禮物朱古力，表達暖暖愛意。雖然天氣乍暖還寒，保浪漫不受天氣影響。位於山林道呢間雪糕專門店，話題作係粉紅色雪糕，今日決定去浪漫一番。 可能好多人為咗比驚喜另一半，小店門前都有小小人龍，簡單裝潢嘅店面有僅兩個座位，全店連出品部一眼睇晒。除五款英式茶外，專門店集中賣幾款主打口味雪糕，大阿蘇牛乳味、宇治抹茶，而當中焙茶同主打嘅HOEGAARDEN ROSEE雪糕，更可以選擇甜筒，新地杯同熱狗。 靜岡焙茶雪糕丸子紅豆$34入口茶味濃郁，跟住會有明顯炒米味，再嚟有淡淡牛奶味同甜味，好似同時飲一杯玄米茶加少甜鮮奶一樣，清淡甜味唔會搶喉，但茶香徘徊持久，配無甜味嘅白玉丸子同原味紅豆茸，平衡茶香後嘅甜味，整體感覺有如日本茶道，恬靜淡薄，禪意盎然。 桑梅啤酒雪糕$42以HOEGAARDEN ROSEE配製嘅雪糕，同大阿蘇牛乳混合咗之後嘅LOVELY PINK已經好吸引，呢隻酒以前飲嘅時候，覺得桑梅味太特出同埋甜品太假，有啲飲咳藥水嘅感覺，而家製成雪糕，酒香怡人，甜度適中，而且有AFTER TASTE
人日遇上情人節，街上喜氣，紅男綠女用鮮花禮物朱古力，表達暖暖愛意。雖然天氣乍暖還寒，保浪漫不受天氣影響。位於山林道呢間雪糕專門店，話題作係粉紅色雪糕，今日決定去浪漫一番。
可能好多人為咗比驚喜另一半，小店門前都有小小人龍，簡單裝潢嘅店面有僅兩個座位，全店連出品部一眼睇晒。除五款英式茶外，專門店集中賣幾款主打口味雪糕，大阿蘇牛乳味、宇治抹茶，而當中焙茶同主打嘅HOEGAARDEN ROSEE雪糕，更可以選擇甜筒，新地杯同熱狗。
靜岡焙茶雪糕丸子紅豆
$34
30 views
0 likes
0 comments
靜岡焙茶雪糕丸子紅豆$34
入口茶味濃郁，跟住會有明顯炒米味，再嚟有淡淡牛奶味同甜味，好似同時飲一杯玄米茶加少甜鮮奶一樣，清淡甜味唔會搶喉，但茶香徘徊持久，配無甜味嘅白玉丸子同原味紅豆茸，平衡茶香後嘅甜味，整體感覺有如日本茶道，恬靜淡薄，禪意盎然。
桑梅啤酒雪糕
$42
42 views
0 likes
0 comments
桑梅啤酒雪糕$42
以HOEGAARDEN ROSEE配製嘅雪糕，同大阿蘇牛乳混合咗之後嘅LOVELY PINK已經好吸引，呢隻酒以前飲嘅時候，覺得桑梅味太特出同埋甜品太假，有啲飲咳藥水嘅感覺，而家製成雪糕，酒香怡人，甜度適中，而且有AFTER TASTE有少少苦味，反而唔覺膩，PERFECT MATCH👍🏻👍🏻難怪大部份客人都慕名而來試呢隻雪糕。
粉紅仙子
$44
37 views
0 likes
0 comments
粉紅仙子$44
主力都係HOEGAARDEN ROSEE,只係用杯嚟品嚐，加配桑梅脆脆，朱古力爆炸糖同蝴蝶脆餅，每啖雪糕都揉合脆口配料，層次豐富，食完唔覺膩，減少罪惡感。
好可惜好可惜，原來店方早於2月11日開始，連續四日到今日提供情人節限定特別版甜筒，可惜我到比晒錢食緊嘅時候先發現，唯有下年再嚟睇吓有無機會食到喇
Post
