瑞士餐廳 (Closed)

今晚唔想飲酒，都又心思思想”酒”下”，走咗入呢度。一出𨋢已經見到瑞士牛，仲有瑞士火鍋既架步，充滿特色。餐牌主打瑞士菜，食芝士火鍋都提供三隻味。瑞士芝士火鍋 $298薯條 $38鮮魷 $58西蘭花 $38入得瑞士餐廳，點可以唔試瑞士芝士火鍋，機本配置已經有麵包，另外有一系列食物可以加配。呢個芝士火鍋稍重酒香，芝士與酒香味並重，沒有死鹹。當然要試下芝士薯條，另加鮮魷同西蘭花。火焰雪山 $168雪山並唔係細雪山，幾有份量，更有立體感可突出火焰雪山既效果。同芝士火鍋一樣，重酒香，就算你今日入嚟唔飲酒，一樣享受到酒既滋味。雪山裡面仲有朱古力同椰子雪糕，非常滿足。鮮蝦牛油果沙律 $108將各種配料排得精美，沙律醬並非著重酸味，配鮮蝦牛油果一樣開胃好食。