Video
Read full review
2021-05-12
167 views
去開油街睇展覽，順手搵下附近有咩食，上網見到啲人講呢度D拉麵好食，抱住試下嘅心態去，估唔到結果又喜出望外！本身去到門口都半信半疑，酒吧邊會有拉麵呀？好在門口大大個牌有哂拉麵相，咁就入去啦！店內當然係酒吧格局，同朋友就特登坐喺窗邊位，望住啲人匆匆忙忙，自己慢慢食拉麵，幾治癒～午餐有幾款選擇，拉麵、烏冬都有，我就試咗個自家製黑豚叉燒拉麵，朋友就食沾麵。沾麵 $128真係打卡必點必點必點！上檯以為無咩特別，特別在店員會倒水，原來有乾冰，即時仙氣十足，滿足哂呃like嘅需要！食材就有粗麵、兩粒鮑魚、溏心蛋、三文魚同蟹柳，沾彎彎曲曲扑哂湯，魚介湯夠哂濃厚，仲有煮至腍身嘅豚肉粒，成個好滿足，而且夠哂凍，適合夏天食呀！自家製黑豚叉燒拉麵 $82店員話雖然係酒吧，原來大廚前身出自米芝蓮一星拉麵店「Mist」，所以湯底用上豬骨、雞腳、蔬菜等自家熬製，湯頭濃稠卻不油膩。連叉燒都唔用來貨而係自家紮，入口真係有驚喜，肉質柔嫩充滿油香，肉味亦非常香，鍾意食日式叉燒嘅不妨揀加大版，有三塊豚肉同一隻半溏心蛋，一定滿足！鱈魚豆腐 金黃色外表嘅豆腐，口感彈牙，蘸點日式芝麻醬更惹味。雖然只有兩位店員，但兩位都好好禮貌，見
去開油街睇展覽，順手搵下附近有咩食，上網見到啲人講呢度D拉麵好食，抱住試下嘅心態去，估唔到結果又喜出望外！
本身去到門口都半信半疑，酒吧邊會有拉麵呀？好在門口大大個牌有哂拉麵相，咁就入去啦！店內當然係酒吧格局，同朋友就特登坐喺窗邊位，望住啲人匆匆忙忙，自己慢慢食拉麵，幾治癒～
午餐有幾款選擇，拉麵、烏冬都有，我就試咗個自家製黑豚叉燒拉麵，朋友就食沾麵。
沾麵
$128
16 views
1 likes
0 comments
沾麵 $128
真係打卡必點必點必點！上檯以為無咩特別，特別在店員會倒水，原來有乾冰，即時仙氣十足，滿足哂呃like嘅需要！
沾麵
$128
22 views
1 likes
0 comments
食材就有粗麵、兩粒鮑魚、溏心蛋、三文魚同蟹柳，沾彎彎曲曲扑哂湯，魚介湯夠哂濃厚，仲有煮至腍身嘅豚肉粒，成個好滿足，而且夠哂凍，適合夏天食呀！
自家製黑豚叉燒拉麵
$82
2 views
1 likes
0 comments
自家製黑豚叉燒拉麵 $82
店員話雖然係酒吧，原來大廚前身出自米芝蓮一星拉麵店「Mist」，所以湯底用上豬骨、雞腳、蔬菜等自家熬製，湯頭濃稠卻不油膩。
連叉燒都唔用來貨而係自家紮，入口真係有驚喜，肉質柔嫩充滿油香，肉味亦非常香，鍾意食日式叉燒嘅不妨揀加大版，有三塊豚肉同一隻半溏心蛋，一定滿足！
鱈魚豆腐
金黃色外表嘅豆腐，口感彈牙，蘸點日式芝麻醬更惹味。
雖然只有兩位店員，但兩位都好好禮貌，見到我同朋友坐窗邊都同貼心問下怕唔怕熱；仙氣拉麵上檯時仲提我哋要準備好相機，仲講解做拉麵嘅原因，熱情但唔會太過份。見到仲有其他小食，決定下次試埋其他小食。
店內都有打卡位，唔好錯過呀！
Post
