Video
Read full review
2024-08-12
358 views
香港運動員真係好叻，今屆奧運搞到大家好激動，熱血得滯睇到喊晒 🏅🥹 上個禮拜約班 friend 出嚟睇比賽，發掘咗將軍澳嘅形 Katachi，坐得舒服之餘啲嘢食都幾正，最啱飲杯嘢慢慢坐 🍻❀ 自家製必食雞煲｜$188/半隻｜$298/ 1隻你無睇錯，Katachi 明明係一間 Bar，竟然有雞煲食！味道令人驚喜，袐製配方醬香濃郁，雞件肥瘦適中、肉質嫩滑，花椒麻勁十足（小心咬到 🤣 ）先食雞再打邊爐，加咗湯都唔會過淡，仲係好惹味 😋後面愈煮愈辣 ，個 friend 開始搞唔掂嗌咗杯 Virgin Mojoto 解辣啱啱好，但我就食得好開心 hahaaa 💥❀ 串燒｜燒原條茄子 $78｜翠肉瓜 $28鋪滿蒜蓉嘅茄子火候控制得宜，唔似一啲串燒店燒到層皮燶晒，重口味如我加啲辣椒粉仲好味 🍆 欣賞翠肉瓜夠厚肉，清甜多汁剛好中和一下 💦另外仲叫咗沙嗲雞肉串（唔記得幾錢 😆），醬汁帶濃厚花生香 🥜 雞肉本身調味偏淡，點咗汁都唔會好重負擔，一邊睇賽事，一邊食住串燒小酌都幾爽，呢度仲有得篤波同玩飛鏢㗎！🎱形 Katachi Bar & Kushiyaki將軍澳唐俊街28號海天晉滙地下G08號舖
❀ 自家製必食雞煲｜$188/半隻｜$298/ 1隻
你無睇錯，Katachi 明明係一間 Bar，竟然有雞煲食！味道令人驚喜，袐製配方醬香濃郁，雞件肥瘦適中、肉質嫩滑，花椒麻勁十足（小心咬到 🤣 ）先食雞再打邊爐，加咗湯都唔會過淡，仲係好惹味 😋
後面愈煮愈辣 ，個 friend 開始搞唔掂嗌咗杯 Virgin Mojoto 解辣啱啱好，但我就食得好開心 hahaaa 💥
❀ 串燒｜燒原條茄子 $78｜翠肉瓜 $28
鋪滿蒜蓉嘅茄子火候控制得宜，唔似一啲串燒店燒到層皮燶晒，重口味如我加啲辣椒粉仲好味 🍆 欣賞翠肉瓜夠厚肉，清甜多汁剛好中和一下 💦
另外仲叫咗沙嗲雞肉串（唔記得幾錢 😆），醬汁帶濃厚花生香 🥜 雞肉本身調味偏淡，點咗汁都唔會好重負擔，一邊睇賽事，一邊食住串燒小酌都幾爽，呢度仲有得篤波同玩飛鏢㗎！🎱形 Katachi Bar & Kushiyaki
將軍澳唐俊街28號海天晉滙地下G08號舖
Post
