Video
Read full review
2015-05-24
1015 views
黎Bilibala緊係同朋友黎Bilibala喇XD依度唔單只係酒吧咁簡單，食既菜式係估你唔到既日本野，可以不停食不停講，店如其名！店鋪環境其實唔大，遠睇同酒吧冇分別，不過要食過先知係日本燒物燈光陰暗，坐得耐唔知點解愈黎愈熱，但有得睇下街景都算唔錯酒吧當然有酒飲喇，但我唔太好酒，就點左杯巨峰梳打，巨峰幾濃，不過飲到底底會得番啲氣胡麻黑豚沙律，個人好中意胡麻汁，沙律蔬菜都好新鮮，而且黑豚既味道好出，沙律配上酸酸既開胃胡麻汁，加晒分呀～不過個人覺得會有啲貴玉子燒，玉子夠晒甜，蛋捲好柔軟，咬落去會有甜甜既玉子汁，值得一試！煙肉荔枝，菜色好新奇，食落去味道幾特別，微窿既煙肉咬落去會有暖暖既荔枝汁係口中，暖既荔枝都係第一次食XD免治雞肉棒，食落去個味有啲似豬肉，而且會食到軟骨，醬汁反而有啲熟悉，似吉野家既雞汁，搞勻蛋黃令口感更加滑北海道帶子，帶子好鮮嫩，係出面果層食到微微既焦味，而內裡則微溫，唔錯唔錯冷稻庭烏冬，外表睇落普通，但絕對有驚喜！平時食開熱既烏冬，但依間係凍食，而且湯汁同烏冬搭夠得好完美，食完唔同飽飽濟濟，值得推薦！總體黎講，野食絕對唔會失望，而且可以食出驚喜，唯價錢都會偏貴，環境則可
依度唔單只係酒吧咁簡單，食既菜式係估你唔到既日本野，
可以不停食不停講，店如其名！
店鋪環境其實唔大，遠睇同酒吧冇分別，不過要食過先知係日本燒物燈光陰暗，坐得耐唔知點解愈黎愈熱，但有得睇下街景都算唔錯
酒吧當然有酒飲喇，但我唔太好酒，就點左杯巨峰梳打，巨峰幾濃，不過飲到底底會得番啲氣
胡麻黑豚沙律
$78
24 views
0 likes
0 comments
玉子燒
$58
30 views
0 likes
0 comments
煙肉荔枝
$32
26 views
0 likes
0 comments
免治雞肉棒
$48
33 views
0 likes
0 comments
北海道帶子
$58
30 views
0 likes
0 comments
冷稻庭烏冬
$78
76 views
2 likes
0 comments
總體黎講，野食絕對唔會失望，而且可以食出驚喜，唯價錢都會偏貴，環境則可以有更大改善～
Post
