Chapter 3 Steak Bar & Restaurant (Closed)

去酒吧除左飲酒，其實都好多野食，例如太子的 chapter 3, 有扒、沙律、意粉、pizza 同小食，真係酒吧都可以食到好飽架。餐前小食- 粟米脆片，等你邊咬邊諗下食乜好。美式拼盤 $158來個美式小食拼盤，分別有水牛城雞奕、洋蔥圈、炸薯條同炸雞。以大轉盤上，好大份好壯觀。旁邊仲有六種不同醬汁可以 mix and match 肥嘟嘟薯條當然係點茄汁啦，而熱辣洋蔥圈配 cream cheese 好好食。雞翼就點蜜糖醬或芥末醬都掂，皮脆肉嫩。欣賞佢既炸雞，唔會乾 dry dry ， 有肉地有雞味，點辣雞醬係冇得輸架！四款食物剩六款醬汁，係咁轉轉轉，都幾有趣。自選雙拼意粉 $98有十幾款配菜、醬汁和意粉可供自由配搭，夠曬 flexible! 大蝦煙肉茄汁意粉，熱辣辣又煮得幾香，有西餐廳的水準。蝦煎得幾香，肉質結實，可惜得一隻，兩人唔夠分。Murphy’s $82愛爾蘭黑啤，味道濃厚，泡沫又夠滑，口感不錯。黑啤偏甘苦，幾重口味，配炸物真心夾。Long Island Iced Tea $118咪以為佢係普通的凍檸茶，其實係溝左幾款酒的長島冰茶來架，酒精含量幾高，小心小心。